ياسيد الايام مريتنا اليوم
ذكراك في راس الطويله خطابه
نحلم نحقق بالطموحات مرسوم
يوم المؤسس للملا هو حكابه
أسس ثوابتها تواريخ وعلوم
ووحّد معالمها حدود ومهابه
عبد العزيز اللي نصر كل مظلوم
نهج الصحابه وسنته مع كتابه
ثوابتٍ للدين عادات وسلوم
نهجه على هدي النبي والصحابه
يوم الوطن غنا الفرح وأبهر القوم
في نهضته في عزته في رحابه
في نهضة ملوكٍ طموحاتهم دوم
عز الوطن والشعب مابه غرابه
الخير فيهم لا شكى كل مضيوم
يزبن عليهم خايفٍ من ذيابه
في رؤية الحاضر اخذ كل مقسوم
الخير واجد والعدو في كآبه
في ضل سلمان الحزم كله اعزوم
أرخى على شعبه هطول السحابه
وعضيده محمد دواء كل مكلوم
اليا سحب سيفه وفارق جرابه
هذا اربع وتسعين عامٍ به علوم
بالمجد والتوحيد والخير جابه
هو يرسم التاريخ واضح ومفهوم
اقوى اقتصاد اليوم بيده حسابه
يوم الدول فيها اهتزازات وثلوم
وعواصف الخسران بيّن عذابه
صواعقٍ فيها شرر وأقفت أنجوم
والمملكه في عزها يعتزابه
جات الدول من ديرة الفرس والروم
كلن خضع راسه ونوخ أركابه
الحمد للي عزنا وابعد الشوم
الصف واحد بين شيب وشبابه
حي السعودي شامخ الراس زيزوم
على سنام طويق فيهم تشابه
سعود فيصل الرميزان
