البحر

والله يا لولا هقوتيني  ويا ليــت    
فلا  رويت  من الظمأ  دون  جمك
فراغ ألّون بالهوى بوحي الميـت 
   وكل الأسرار الخافية بـ لون  دمك
مثل الشفق لا مد  يمك ولا جيـت   
  جزرٍ  يصير الملح بـه ملح  يمك
على شواطي مهجتي بعثر البيـت    
  رملٍ  تبعـثر  يا عزا الروح لمك
عبير روحي فاح كانك  تناسيـت     
شمه  فهو يا مترف  الجيد  شمك
كتبت حضني خاليٍ لك وهجيـت
  سور الضلوع  الحانية لا  يضمك
هجرت ضحكي لأجلك أنته وسجيت  
   أرعى صحاري حزنك بجول غمك
ترياق ذقته سم آمرني أبطيـت      
  وأنا أحسب انه بلسم الروح سمك
هالناس تروى من ظلالك وظليت      
ظميان أسولف عن  مذاقات  فمك
جيتك مديحٍ ذم ..مقبل.. وصديت   
   متشـرذمٍ  ما بين  مدحي  وذمك
لا وا حسافة  ليتني  ما تعنيت    
  ولا رويت من  الظمأ  دون  جمك