هذي هي الدنيا مسره وشده
وجور الدهر يطلع صناديد الاولاد
وحنا نعرف العلم مزحه وجده
والطيب يبقى لا ذخرته بالاجواد
ورجلن يسد ورجل مافيه سده
والفرق واضح بين عارف ونشاد
طبع البشر مابين كره وموده
وقلوبهم ماتجمتع فيه الاضداد
وترى الرجال سيوف والوقت حده
لا بد تعرفهم ليا طول الماد
سيفن ينومسنا بمده ورده
بغماد وانا جاء لازمه ماله غماد
وسيفن ماهو محسوب بده وعده
ثليم مايفتك صادر وراد
وسيفن شباه يقص من قرب حده
لكن بلاه انصابه الشين لا عاد
وانا خوي القرم من كل بده
اللي لهم با الطايله سرج وشداد
وبا الطيب وسمي فوق صدر الاخده
غصبن عن الانذال حاسد وجحاد
يا سعود هاك العلم ياسعود وده
الله يجيرك من شرابيك الاوغاد
