ما تــقـضي الافــكار دام الفـكـر حي
والتـجــربة فيـهـا ملامــح فـريــدة
حافر على حــافر رســم هــذي بذي
ماهي على ذوق الفخــامة جــديدة
بعض الـمعـاني روح (قلبك لها زي)
ان مالـبست قـلـبك تراهـا زهـيــدة
يا مكـثر الامـثــال والســابق شــوي
وشــوي يـعــطينـا حـياة مـديــدة
(يا راكب اللي) عــرمشت مابها شي
عظــام لايـمكن يصيـرن طــريــدة
المعذره ما قــصد بها رمــز مخــفي
لكن على الـفــايت تـزيد وتـعــيــده
وتقـول مــن زود الثــقــة كلــهــا لي
يا طيب راسـك يوم جــبت القصيدة
وان كانـهـا لــزمٍ عـلى الشــرح ياخي
شرح الحياة يفــوق شــرح الجريدة
مالي شغل ..(بالناس جاهل ومبلي)
وانا مــرادي بالـنــجوم البـعيــدة
اعــوذ بالمــولى من الكــبر والــغي
واعـوذ من جهـلي بشـرع العقــيدة
درس عن الرمـضى ودرس عـن المي
علــمٍ كسـبـتـه باللــيال الـشــديدة
والـعــاقــل بدنيـاه مـامــور مـنــهي
يبذل وهــمـه بالخــصال الحـــميدة
لا يـطــرد الغـاوي ولا يجـاهد الــعي
حجب الصحيح احيان حكمة رشيدة
لو يسرح بــهـذي ومـع ذيك يــضوي
سوى مـتاهــه والمــناهيـج سـيـده
فـكر البشـر ينحــاز للــجــانب السي
يـتـذكر الــزلـة ويــنسى السـديــدة
يا كثــرها بالنـاس شــرهات مـسوي
من صدقـه روح جـميـلـه فــقيدة
لكــن زرع الـطــيب لــو مالــقى ري
لابد يذخر لك في يــوم الحصـيدة
من يصنع المعــروف لا يلــحقه كي
مايكــشف المظروف ســاعي بريده
انا صار وقــعـه فـالمــناعير يــروي
كبدك بساحوقٍ سمــومه وقـيــده
وليا تـبــدد بين جــاحــد ومـخــطي
الله على الــحــوبة يحــاسب عبيده
(
(
