البارح أفكار راسي هايمه بالغيوم
والنفس طابت من الدنيا ورغباتها
دكت بصدري هموماً نوخن العزوم
تشوف بطراف حجاني علاماتها
يطيحن نجوم بعيوني وتبقى نجوم
اعلان
دورات الايام مخلفتن مداراتها
اخذت منها شهاده موثقه بالختوم
دروس الايام معطيتني شهاداتها
أخذت من دورة الايام خير القسوم
أشفق على الطيبه في كل ميزاتها
ماكل طيرً يطير وعارف اللي يحوم
لكن طيور الحرار تبين هداتها
والصد وصفة علاج تفيد عند اللزوم
تشفيك من علةً يصعب علاجاتها
الطيب يرقاء مع الطيب وعند القروم
مير البلا بناس ماهي عند هقواتها
لاطاح حظ الردي قلنا عسى مايقوم
كفارة اذنوب نفسه بان عثراتها
ان كان تبي العلوم اللي تسمى علوم
عرفت بعض الوجيه وبان غاياتها
حنا نعرف العلوم ولاقطعنا السلوم
والناس تفرق طبايعها وعاداتها
