يالله ياخالق الدنيا ومن فيها
ياعالم الغيب يامجري هبايبها
يارازق الخلق حاضرها وما ضيها
يا ملتجانا ليا حلت نوايبها
نرفع يدينا بدعوتنا ونثنيها
وانت والرجاء فيك ترحمنا وتكتبها
تكشف عن الامة الغمة وتجليها
اللي من شهور والفيروس مرعبها
خلا كثير الدول تظهر خوافيها
واثبت مواقف هل العوجا لطالبها
المملكة جعل رب البيت يحميها
عون الدول كل ما تكثر مصايبها
من ماضي الوقت والتاريخ يحكيها
واليوم ياللي على الشاشات ذيعبها
حتى يذكّر بها من كان ناسيها
واللي جحدها على الواقع يقربها
أمر الملك بالعلاج اثبت معانيها
غطى عموم البلاد ومن يعيشبها
واللي بعد خارج الدولة ويعنيها
كل السفارات تفتح له مكاتبها
في كل الاوضاع دولتنا نهنيها
بالحاكم اللي قراراته يشادبها
سلمان قائد مسيرتنا وراعيها
ما يصدر من الاوامر غير صايبها
ومحمد اللي فعوله نفتخر فيها
كل المفاخر ولي العهد فازبها
والشعب لا يمكن عهوده يخليها
من عهد الاسلاف لين اليوم ساربها
فيه الولاء للبلاد اللي ربا فيها
ووامر الحاكم العادل يجاوبها
لا قال منع التجول ما يكفيها
لازم نصك البيوت ونستقربها
من شان ما يختلط بالناس يعديها
من حل فيه الوباء لو من قرايبها
قلنا معك وانت قائدها وبانيها
الفكرة اللي تقومبها نقومبها
في الازمة اللي عسى الوالي يعديها
ويقوم اللي تعثر من سبايبها
