“اللحمة الوطنية”

الشاعر: وصل الشهيب

إقرأ المزيد

[poem="font="Simplified Arabic,4,#000000,bold,normal" bkcolor="#FFFFFF" bkimage="" border="none,4,#400000" shadow="1" type=0 line=0 align=center use=ex num="0,#400000""]
التفرقة ما بيننا مالها دور=حنا هل التوحيد شعب وحكومة

حنا أسرةٍ وحدة على خير دستور=إخوان وايضا أخوال وأبناء عمومة

حنا حماة الأرض والعرض مستور=من لامنا في حبها الله يلومه

الرجل وقت الجد ماهوب معذور=يستشهد ودمه يطيّب هدومه

حنا السعوديين والشر مدحور=الكل منا ما توانا عزومه

في ظل راية حاكماً يحكم الشور =يأمرنا أبو متعب ونقضي لزومه

يادارنا حنا لك أجسادنا سور=والعبد ماهو ميتٍ قبل يومه

يادارنا ماهمنا كل ثرثور=ساكن خرابة وهو لاشك بومه

حنا امتداد أجدادنا فعل مخبور=كانت لهم قومه ماهي بأي قومه

الأمن عم ارجا الوطن بدو وحضور =من حين جاء للصقر بالجو حومه

صقر الجزيرة جعله بجنة الحور=شجاعته فذّة ونفسه رحومه

ولاصار من حكامنا بعده اقصور=عن كل نقص معززة وامحشومه

العلم نور ودارنا مهبط النور=والخير عم ويا عسى الله يدومه