سيِّد شهور السنة وشلون نستقبله ؟

الشاعر: راجح المغيري

إقرأ المزيد

سيِّد شهور السنة وشلون نستقبله ؟

[poem="font="Simplified Arabic,4,#000000,bold,normal" bkcolor="#FFFFFF" bkimage="" border="none,4,#400000" shadow="1" type=0 line=0 align=center use=ex num="0,#400000""]
حي الله الوافد اللي نرقبه كل عام =سيِّد شهور السنة وشلون نستقبله ؟

هل نجعله شهر يفرق بس بـ إسم الصيام =او نجتهد في جميع أوقاته ونشغله

لاوالله ألّا أشغلوا وقته صيام وقيام =بقلوب في طاعة المعبود مسترسله

فرصه وكلٍ على القدرة يشدّ الحزام =كلٍ يحاول يعيش الشهر ومْن أوّله

والرابح اللي رفع قلبه لرب الأنام =في توبةٍ صادقه من كل ذنب إفعله

وأشغل نهاره بصوم وذكر خير الكلام =والليل يحييه بقْيامه ولا يهمله

يالصايم إلزم كتاب الله وعطه إهتمام =وأكثِر من الخير والرب الكريم إسأله

ثم إذكر بْعامك الماضي معك كم صام =من شخص .. واليوم تحت الأرض رهن إعمله

ماكان يطري بْفكره غير طول المقام = مافكّر إنّه يبا يرحل ويترك هله

خذ منه عِبره وقلبك شغّله لاينام =لاتاحت الفرصة إغنمها وقولك قله

بادر بتوبة وجنِّب عن دروب الحرام =والفرصة الحاضره تفرق عن المقبله

والصوم ماهوب صومك عن شراب وطعام =الصوم صوم الجوارح كلَّها مجمله

يالله يالله يامحيي رميم العظام =نرفع لك قْلوبنا ودموعنا مُرسله