ياللي تعزوني على موت خالي

جزاكم الله خير ياللي تعزون

والله والله عالمن ماببالي

اللي يعلم السر خافي ومكنون

اني فقدت أغلى من أغلى العيالي

اللي بقى بعده عساهم يعوضون

اني فقدت ظلال شمخ الجبالي

اللي بظله عزوته يستظلون

شيخن يشيل المعضله والثقالي

ماهو من اللي لستضاقت يضيقون

نجم الجدي واسمن سطع بالشمالي

اراقبه هو الجدي مايغيبون

ياما قطع فينا افجوجن خوالي

ياما فرح في جيت اللي يضيفون

راعي هلا ومبهرات الدلالي

في مجلسه على المعزه يمونون

يالله ياربي عليك اتكالي

في غيبته ياربي الصبر والعون

عساه في جنات في الظلالي

في رحمتك يمدبر الأمر والكون

عبدالله هايس