من ابسـط حـقـوقـك تعرف الرياجيل

والتجربه بـرهـان حـاضـر  ... ومـاضي

قـدام لاتاقع  ( بـدرب الـتـفـاصـيـل )

وتبلش مابين … اطوالها .. والعراضي

العقل له … سجه .. وغيبه .. وتضليل

والـقـلـب لـه قـدم الـشـعور انتفاضي

والخلق ماتسلـم مـن الـقـال والـقـيل

حتى على الـقـبـلـه يـجـيـهـا اعتراضي

خوض التجارب واعرف العدل والميل

 شوف الصحيح ولا ( كلام افتراضي )

امـا تحـصـل فــ الـزمـن بـارد الـحـيـل

الـعـزم ماشى عـزم … والـراس فـاضي

ولاتحصل قـاسـم الـجـيـش والـخـيـل

يـشـبـه مـعـزي دون  ( فتح الرياضي )

مـايـظـهـر الـعـلـه يـاكـود التـحـالـيـل

روح الحقيقه في …(  سـواد وبياضي )

الصمت حكمه .. مع قليل المحاصيل

من دون لاشـاهـد … ولاحـكـم قـاضي

ولايحـرج اكـبـار الـرجـال الـحـلاحـيـل

غـيـر الـجـمـيـل وطـرح عين التغاضي

حمدي الرثيع