أحلامي الغالية ماهيب تنفعني

اليا قصر دونها جهدي وخلاني

ادور في محور ابرفعك وارفعني

وارجوك يا صاحبي تكفى لا تنساني

اصعد لمرقابها والعزم يدفعني

ومطيتي جبتها من كسب ذرعاني

ماني ضعيفٍ سهام الحرب تمنعني

افرك خشوم العداء واللي تحداني

وما شفت من دنيتي لا شك يرجعني

وانا لجل غايتي ماني بمتواني

مراتٍ اصفع قسى وقتي ويصفعني

حظٍ ليا طاح ما صفطت غرضاني

ارجع واشب الأمل من حلم يتبعني

من وين ما أوجه الأفكار خاواني

وان كان ما شفته من الناس يوجعني

حقي على عادةٍ ماهي بتجفاني

اصبر واعرف النذل ماهوب يخدعني

اعدّي اللي ابي والهرج مجاني

وطبعي عن امجادل الغادين يقلعني

لا شفتهم قلت يا ربي لا تبلاني

لكن لا وصلت لحلقي ما يسبعني

الا يدينٍ تذود بسيف شاماني

وان شفت ماعفت فـ ارض الله تاسعني

ماني بـ ملزومٍ أتحمل وانا أعاني