نظم الشاعر / حمد بن ناجي الشدّادي الحارثي قصيدته في ذكرى اليوم الوطني لعامه الـ ٩٠ معتزًا ومفتخرًا بالوطن والقيادة الرشيدة ومحتفيًا بأمجاد الوطن وعزته وفخره قائلاً:
لله در المـليـك اللي للامـجــاد طـال
ولله درك ولي العـهد عال الهـمـم
ولله در الجنود اللي بروس الجبال
دون الوطن ماتغالوا فيه روحٍ ودم
والشعر فالمملكه هيض تعدا الخيال
وشاعر مايمدح بلاده ياعـساه يعجم
وانا لاجاء للقصايد في بلادي مجال
لديت للهاجس اللي فيه دايم عشم
الهاجس اللي يوردني لبنك الجزال
واخذت من مفرداته مدح ولا حكم
حب الوطن والقياده مايبي له جدال
من دونه الروح ترخص والكفو يحتزم
وحدة وطن ثابته عبر السنين الطوال
بين القياده وبين الشعب منذ القدم
هاذي بلاد السعوديه على ايات حال
دار العـروبـه ودار الـمـرجـله والـكـرم
هي مهبط الوحي لرسالة عظيم الجلال
وهي قبلة المسلمين اللي عليها الاسم
ويوم الوطن يوم ذكرى مـجـدها لايزال
في دورته عامها التسعين بـذل وعـزم
همه إلى القمه بفعل يطول الـطـوال
وصروح الامجاد تبنيها رجـال الـهمـم
دامت بلادي فـخر للمسلمـين ومـاءل
والرايه اللي تـرفـرف فـوق راس العـلم
في حكم سلمان زيزوم الامور الثـقــال
هو راعي المـجد والنخـوه وراع الحـزم
بامره ندوس المخاطر فالسهل والجبال
وبامره ثنينا الركب دون الوطن والحرم
تـعيـش ياقايـد الأمه حمـيد الخصـال
أبو فهد ملجم اعـداء الـشـريـعه لـجـم
ولك من ولي العهد قوه ولك طيب فال
اللي بالافـعـال عـداء عـاليـات النـجـم
محمـد مهنـدس الرويـه كريم السـبـال
شخصيتن نادره بـين العـرب والعـجـم
على صديـقـه الـذ مـن الـقـراح الـزلال
ولا عـدوه يـبي يـبـطي وحـاله سـقـم
وحب الوطن والقياده مايبي له جدال
من دونه الروح ترخص والكفو يحتزم
(
(
