ثارت شجون مسامرين التعاليل

واذعنت لين استنفرت ذكرياتي

ان كوسروا بعض اللحن بالمواويل

كنه يبعثرني ويجمع شتاتي

واشوف مايشعل شموع القناديل

الا مصافح فافخر المفرداتي

حمست بريه وقندتها هيل

ورحبت في عز وشموخ وثباتي

بنات فكر الليل ومسامر الليل

لهن بميدان النفيس اعتماتي

خبري بهن ماطاوعن بارد الحيل

اتعب عليهن واترادا سواتي

ان كان ما لبستهن تاج وكليل

ابعدت عن سيئاتهن بحسناتي

اصبر شهر واصبر سنه واوفي الكيل

والمقبلات افضل من الماضياتي

صحيح مايمشن علي موضة الجيل

لكنهن يستدرجن مغرياتي

حشمتهن عن شاطح القول والميل

واسمع كلام النقد في منجزاتي

واليا تحفواً بي كرامة وتبجيل

اكرمتهن من جود ذاتي لذاتي