انـا لابـديــت الـقـاف مـالـفـقـه تـلـفـيـق
حريصٍ عــلـى جزل الـمـعـاني وادقـقـهـا
تـجي مثل نسج الزري فوق البشوت يليق
عــلى مـتـن كـفـوٍ كــل بـيـضاء مـحـققها
لها في سماء الإبـداع ياهـل الشعرتحلـيق
غــزيــزٍ تــنـومـس مـن بــداهـا ونـسـقـها
عــلى الـطـيـبـه يالله تجعل لــنـا تـوفـيـق
وعـساني من الــي كـلـمة الـحق يـنطقها
وعـسـى بـارقٍ سـاري بـليله سـناه يـشيق
اليــانــاض بـــرقه ظــلـمة اليـــل يفتــقها
مـقـاديم نـوه بــامـر ربـــي عـلـينا سـيـق
رعـوده تـدن ويـخـطـف الـشـوف بـارقـها
يـعـم الـحـجاز الخير ثــم يـنحدر لـطويق
عـلـيـهـا الــمزون ألــغرّ هلــت حـقـايـقها
ويـسيل الـشـمال وكل وادي بماه يضيق
بــوسـمٍ بــكــر عــــم الــديـار وتـوسـقـها
ويـاخـذ ثـمـان ايــام وقــعه ماهو تـفـريق
عـلى اليـابـسـه يالله نطـلـبك حـقـقــــهـا
وعلى اسبوع وتشوف التباشير يوم تـويق
علـى وجــه الارض المبذره في مـدارقـها
وعقـب الشهر تلقى زهــوره لهـا تـفـتـيق
غدت جـنـةٍ خــضـراء وفـاحـت عـبـايقها
الـى جـيـتـها يــنزاح همك بــها وتــفـيـق
مع الـخوه الــي بـالوفاء صـعب مـلحقها
قـرومٍ مـرافـقهم يـشيل العمس والـضيق
خفاف الـنـفوس الـي يـنـومس مـرافقها
عــلــى شــبـةٍ بــوجــارهـا دلــةٍ وبــريـق
وفـنـجـالـها يــجــلا عمس راس ذايـقـهـا
ويزين الـتمشي فـي طرف خايعن ماويق
تشــوف الزبيـــدية عــلــى اول تفتـــقها
جـمالن من الرحمن بالوصف والتـنـسيق
مــاهــو شـغـل عمـالـن تـزيـن حـدايـقـها
