قالوا تكلم قلت عن ويش اوقول .
قالوا تكلم شعر والا مقاله
قلت اتكلم شعر وأقول وأقول .
والشعر سبك وحبك لفظ وجزاله
موضوع فيه الفكر حاير ومشغول .
وضع الشباب وهمهم والبطاله
يدرس ثلاث وخمسةأعوام مدبول .
يقضي نهاره كر يسهر لياله
يبغى النجاح اللي له الجهد مبذول .
نحو الهدف من بعد حدد مجاله
جاب الشهادة مفتخر وأصبح يقول .
جات الوظيفة بعد نلت الزمالة
قدم وظيفة حصل الباب مقفول .
قال إنتظر شهرين تاتي سهاله
شهرين في شهرين في حول في حول.
حتى تعب وإتحطمت كل آماله
قدم على الشركات والبنك والمول
يطلب عمل لوكان عامل بقاله
يبغى وظيفة تستر الحال معقول
عشان مايحسب على الناس عاله
حصل وظيفة عند وافد ومسؤول
هو المدير الشيخ معطى وكاله
في المؤسسة مرموق ويصول ويجول .
يامر وينهى في جميع العماله
قال الدوام إثنعس ساعة على طول .
والراتب ألف وخمس وابغى كفاله
رضيبها وأصبح سعودي ومكفول .
يثبت وجوده لجل يستر حواله
قال إشتغل بإخلاص ثم إسمع القول .
أما نتاج إكبير والا إستقاله
قال أشتغل وأبشر بماكان مامول .
حتى ب حر الشمس عندي بساله
لاكن بعد شهور والياه مفصول .
حطوا من البنقال واحد بداله
وإسمه معلق بالمعاشات مشمول .
في مكتب التأمين ماهي جهاله
تمويه وإستخفاف من عم بهلول .
على النظام ويعتبرها رجاله
إن كان هذا الوضع ياناس بيطول .
كيف إيتزوج كيف يطعم عياله
أصبح من التفكير والوضع مذهول .
يهذي كما المجنون يالبرتقاله
واللي نجح جيد وتقدير مقبول .
ياحالته في المجتمع خس حاله
لاجامعة تقبل ولا معهد يطول .
يصبح فريسة عند قوم الرذاله
ياأهل العقول النيرة لازم حلول .
قبل الشباب يضيع ياأهل العداله
أنا إنفعلت وقلت من خاطري قول .
تدفعني الغيرة ومبدأ الإصاله
نحو الشباب أبديت ماكان مجهول .
غيرة وطن لأبناء وطن وإنفعاله
ماارتاح لين اشوف ذا الوضع محلول .
على إيدين أهل الوفاء والشكالة
والشكر لله ثم لأولاك موصول .
والعذر للجمهور في الإستطال
وختامها صلوا على خير مرسول .
شفيع الأمــــة عــند رب الجلاله
(
(
