يا سيدي حلمي على الدنيا كبير
وانت الذي حلمي على راس اصبعك

اليا نوى راسك على اللي مايصير
مافيه حاجه بالبسيطه تمنعك

في رؤيتك حققت تطوير .... الكثير
يا صانع الأمجاد ما هي تصنعك

كل المعالي وسط راسك تسدير
قطعت سيف الوقت قبله يقطعك

من كثر ماتطمح على صعب المسير
ما به طموح(ن) لا تحقق يقنعك

يا قاهر الإرهاب في وقت(ن) قصير
صفات جدك في سموك تجمعك

روح الشباب وهمهم وسط الضمير
وآمالهم وحلامهم هي .....مطمعك

من أجلهم تدعس على الدرب الخطير
مافيه يومن تجلسه. في موقعك

الصبح في دولة وفي حزة عصير
سيادتك في دولة اخرى تجمعك

انته ولد سلمان حلال العسير
اكبر دهاة اهل الرئاسه يتبعك

خليت عدوانك تصيح وتستجير
دحرتهم ياسيدي والله .... معك

انته حديث العصر يا سيف الشطير
ما اعظمك ما أخطرك ما ....اروعك

فيك القياده سيدي يومك صغير
المجد مجدك والوفاء هو منبعك

وانا ولدك اللي على شراً وخير
اللي ليا من قلت قول(ن) يسمعك

والحلم والآمال شوفك يا الأمير
واعطيك حبة خشم وتصور معك