الناس يقولون كثر الطق  فك اللحام

وانا صبرت لين صم الصلب  فكيتها

ماني   غبي   تمررها    مرور   الكرام

لكن   تركنا  لك   الفرصة    وعديتها

من لايرانا  بعينه  في  نظره   انقسام

انا    ضعوف     الاوادم     ماتحليتها

العنكبوته بنت بيتً ماهو  ذرع  خام

اشوف  بعض الاوادم   يشبه   البيتها

حنا الشيم طبعنا  والمكر طبع اللئام

والسالفه.       لاتعدت      ماتقفيتها

لاجت لنا من ضعيف  مايعقل الكلام

سوالفه  تحت سبت الرجل  حطيتها

على يميني سلاحي والفشق بالحزام

وادوس   روس   الافاعي   لاتمثنيتها

على النقاء مامشينا في دروب الظلام

والمؤقته   بالطريق    أفك   توقيتها

بعض السوالف عليها اخير رد السلام

والأذن  عن مايريب النفس  صكيتها

نفسي عزيزه لها بالمجد  ذروة سنام

عن  مجلس  الهون  عزتني  وعزيتها

الناس  متخالفه  بالمستوى والمقام

ومن  مد  يمناه  لي   يمناي  مديتها

ان مدها  للوفاء ياخذ  وفاء واحترام

والسابقه قبل  تبدي طالعن  صيتها

الشاعر/ عبيد بن عايض العوفي