ياسيدي مهما يقول الحاقدين
اللي يبون المشكلة تبقى كذا
قبلك نبي الله جاهم باليقين
جاله من الكفار تكذيب وأذى
انت الزعيم اللي تقود العالمين
والمملكة للعرب موطنها عذا
نافحت من شان القضيه من سنين
لو ينكر المعروف هذا أو هذا
واوليت كل الدعم لاولى القبلتين
واعطيت جهدك يوم كلٍ ياخذا
حنا وكل الناس والله شاهدين
نفحات جودك كالخزامى له شذا
طيبك شمل كل العرب والمسلمين
فوق السياسه. مال وعلاج وغذا
يحفظك ربي يا سليل الغانمين
لاكبر قضايا العرب تبقى منقذا
سلمان قايدنا وعزمه مايلين
حامي حمى الاسلام عن جور وبذا
ومحمد الحر الابي خير الأمين
المملكة زايد تطورها لذا
صار الوطن والشعب مثل الفرقدين
في عهد سلمان الحكيم الجهبذا
(
(
