هلا مرحبا ترحيب يشبه لريح العود
خفيف الهضم ماهوثقيلاً على المعده

رفيعاً عن الزلات والكبر والمنقود
يسر الكريم ويدبل الخبل في كبده

يا مسس وريس شبكة عبس يابن سعود
يا عريسنا اللي للعرب باذلاً جهده

شبكة القبيلة مع بعضها بدون حدود
مساعي حميدة تدعي الصف للوحده

قبل لاتثور العولمة والغثاء الموجود
على دورعصرالمنتدى اللي قضا عقده

بعدها طلع في كل دار اسمنا مشهود
وأنا كنت احسب أهل الجزيرة هي القعده

اثرنا قبايل شاسعة خارج المحدود
كياناتها عند الحكومات معتمده

لها بالشرف والدين والمعرفة والجود
رفيع المكان الي  ما قبله ولا بعده

عسالله يصيب الحوثي الخاين المقرود
عميلي الخميني في عراقه وفي صعده

يبي في ربوع المملكة يشعل البارود
خبيثاً مع أحداث الليالي طلع حقده

على الغدر متربي وعايش على المنقود
معك يبتسم وصبع يمينه على فرده

يحاول يثير الفتنه اللي كلاها الدود
لجل عمه الاقشر يعود على عهده

كشفنا النوايات السود يهل الوجيه السود
عليكم منال اللي تريدون يابعده

بلدنا عظيمة شان بقيادة آل سعود
ملوكاً تحل الرأي لاكبر  وتعقده

سواءً عيال العود وإلا حفيد العود
لهم عن ملوك الارض ميزات منفرده

علمهم عليه اسم الله الواحد المعبود
ومحمد رسول الله مكتوب من بعده

ولانا لهم مع كل فجراً جديد يزود
حفظناه حفظ الجندي الذرب للعهده

ولاتهزنا بخوان نوره هبوب النود
لو الجو متقلب سمومه على برده
https://www.youtube.com/watch?v=m9pnag2VsYM&feature=youtu.be