أنا غلطت إني وثقت بكلامك
والا انت مثلك ماتوطى له رقاب
ارخصت كل الناس يلعن غرامك
رضى بذلي واسدل بوجهي الباب
ماكنت احسب انك رخيص بمقامك
وبترخصه قلبٍ تعلق بك وذاب
في الاشهر الحرم ونهاية صيامك
وأنا احضنك عهدٍ وحلفٍ على كتاب
طعنتني في مأمني قل علامك؟!
شمرت عن مخلب وسننت لي ناب
ياكبرها طعونٍ سببها هيامك
دامك وراها.. وشله انشد عن أسباب
ماللحكي معنى وحتى ملامك
مايبري جروحي ولا بيزهر اعشاب
مابيه عذرك لا.. ولا ابي سلامك
وفر حروفك لين تلقى لك أحباب
تشابهك في سحنتك في ابتسامك
في غدرك وكذبك وفي حصد الالقاب
اما انا برحل وخله غمامك
يمطر لك الحسرة ويرويك ترحاب
(
(
