علي الترجمي
الــشـعـر فــــن وذوق يـامـهـتـوينه
وفــرايـدن تـنـظـم بــفـن الـطـواريق
نــوادرن فـيـها مــن الـجـزل عـينه
وفـيها مـن الـحكمه كلامن بتوثيق
والـشـعـر كـانـه ماشعى سـامـعينه
مـاهو بـمرضي كـل سـامع وذويـق
بالله جـــــوزو عـــنــه يـاكـاتـبـيـنه
لاتـتـعـبون انـفـوسـكم بـالـخثاريق
خــلــوه لــلــي كالدرر سـابـكـيـنه
بـمـعـلـقـات(ن)يــعـجـبـن الـمـطـالـيق
تـجـار فــي ســوق الـغـلا جـالـبينه
مثل الذهب في مغلقات الصناديق
ولا يــاخـذون إلا الـغـزيـز الـثـمـينه
عـصما تـحلق في سماالشعرتحليق
الـماس فـي عـقد الـذهب ناظمينه
مـنضوم بـعقود الـذهب لـه تباريق
تـشعى روات الـشعر مـع حافظينه
ويـصحابهاالعمسان ويصح ويفيق
وتـطـرب مـسـامع طـيبين الـضغينه
اللي عـلى جـــزل المعاني مشافيق
الـجـزل مـثـل الـغـيث يـاعـاشقينه
تـفـرح بــه الـديره وكـل الـمخاليق
ويــســرشــوفــه لاتــقـافـاغـشـيـنـه
يـحيي عروق(ن)من ضماها معاويق
ولا الـهـزل دهــرن تـوحش سـنينه
عـجاج صـيف وصادفه قل توفيق
وجـهة نـظر يـاهل العقول الفطينه
وكـلـن بـعرفه دقـق الـقول تـدقيق
وصــلـوا عـلـى الـمـختار يـاتـابعينه
شـفيعنا فـي يـوم ينشف به الريق
مجارات الشاعر حماد مريزيق البشري
الـشـعر ادب يـوم الـعرب مـحتمينه
قـــدام تـفـتـح سـاحـتـه لـلـمطافيق
الــلـي عـلـى قــل الـسـنع مـبـتلينه
نـاسن لـهم بقصورالافراح تصفيق
عـشـاق حـنـجرة الـهـبود الـسـمينه
خــبـل(ن)عــلـيـه يـعـلـقون الـمـعـاليق
نـاسـن تـسـمى بـالـقصيد وتـهـينه
يـخـرقـون عـيـون الامـثـال تـخـريق
لـجـة حـراج(ن)فـي طـوارف مـدينه
عــلـيـه لـطـيـور الــرزايـا تـخـافـيق
الـيا نـتحت عـنه الـدروع الحصينه
اصــبـح مــلـم لـمـطلقات الـمـسابيق
تـركـه لـهـم فـي كـل ساحة غـبينه
لـــو سـوقـهم مـايـستوي لـلـعماليق
الـشـعر كـنـز الـيـا تـساما ظـمينه
يـبـقا مـلاذن لـنشاما عـن الـضيق
فـي وصـف عدن مابقى من قطينه
إلا الاثــــار الـمـسـمـلات الـمـعـاتيق
الــلـي عـلـيه الـقـلب طــول حـنـينه
حـنت خـلوج حـوارها بـالخلا عـيق
قـلـبـي عـلـى طـاريـه يـفـقد يـقـينه
لــو يـلـحقني مــن غـبـونه مـلاحيق
جـــدد عــنـا قـلـبـي وبــيـح كـنـينه
عــلـي فـــدوه مـخـايـلين الـمـداريـق
الـتـرجـمي حـــاز الـجـزال وقـريـنه
ابــو عـلـي زامـل عـطيب الـتفافيق
الـشـاعـر الـلـي مـنـجمه خـابـرينه
يصرف ذهب محدن ظفربه ولاحيق
راع الـسـلوم الـلـي اتـعـب سـنـينه
حــرن تـعلا فـوق روس الـشواهيق
(
(
