ياللي تحطون السوالف على الهون
ترى سوالفكم تروح وتجينا
وان كان جتنا لاتقولون وشلون
العلم ياصل والخفايا تبينا
لو تزرعون الشك ماتستفيدون
من عادنا مايثمر الشك فينا
من كثركم ياهل الردى لوتسبون
علومكم ماترضي السامعينا
هذا الصحيح وقولوا اللي تقولون
فيكم على ماقيل سـرن دفيـنا
ياللي مثل طبع العذارى تغارون
وقلوبكم من الـحسد ماتلينـا
من كثر ماانتم بالمجالس تنمون
كلن يقول الله عليكم يعينا
وانتم على كثر الخطأ ماتحسون
تكرم من مصافح يديكم يدينا
واللي معاهم حسد وايمانهم دون
خطر على الاسلام والمسلمينا
واهل الحكي عن الحكي مايتوبون
الله يعافيهم ولا يبتلينا

مختار الدويخ