الصاحب اللي مايسرك وجوده
لا تنزعج من صدفته حين تلقاه ..
جنّب وخلّه يحترق في وقوده
واعبر ولا كنك لقيته و شفتاه ..
وان مد يده لا تصافح وروده
همش مقامه خف كفك بيمناه ..
والمعرفه في بعض الأحيان فوده
واحيان ماترقى لما تتمناه ..
يوم تكتشف بعض البشر في ردوده
ودك تقول ياليتنا ما عرفناه ..
بعض المعارف في المجالس جحوده
يقل من شأنك ويمدح سجاياه ..
و مثل هذا لا تعدى حدوده
لا تمهله في الطيش وإلا تحاشاه ..
اعطه صريح العلم واكسر صموده
لا ينحني رأسك لمثله وشرواه ..
وان عاد تكفى تتركه لا تعوده
حتى تضيق الناس منه وتشناه ..
من ينكر المعروف زد في صدوده
حتى جروح القلب يبرأ وينساه ..
(
(
