صافحنا الشاعر العذب المتألق "عبدالله بن عوجان " بقصيدتين أهداء لمدير مكتب التعليم بمحافظة الحائط الأستاذ شليويح بن علي الرشيدي فقال:
القائد..
مــــن مراديـــم السحايب بعذبـــات القصـايد
غنّ يــــاشعري طروقك وعبّـــــر عــــن هـواها
( اصدع بْما تومر ) وغنّ مـــــن جـزل الفرايد
وأنت بصفـــوف الأوايـــل وغيـــرك مـن وراها
لا تلفّــت للـوراء وأنــت يـــــاشعـــــري محايد
وْلا تغنّـــــي غيـــــــــر في رجـــلٍ القمة رقاها
امــــدح رجــــــــال المعـــرْفة عريبين البدايـــد
الرجــــــال اللي على العــــزّ لا تمـدح سواها
وأنت يـــــاشليــويـــــح قايد وابن رجّـــال قايد
والقيــادة مالـها غيـــــــــــر أهلــها وأومــراها
الشعــــر مـا يُكتب إلاّ لاجــــل يمنــــــح فوايد
وأنت فايـــــدْةّ القصايـــد وغايـــــــة منـتـهاها
أنت تشبـــــه للسحاب إن نشـــى وْدنّ الرعايد
وْهــلّ وبله وإرتـــــوت منْـــــه بلــدان وْكفــاهــا
وأنت تشبـــه لك بحـــــورٍ بها أمــــــواجٍ تـزايد
وْجزرك وْمدّك بفعـل القمــــــــر وبفعـل مــاهــا
أنت حكمة في الرخاء وأنت حنكة في الشدايد
بل مثـــــالٍ يحتـذى بالشـــــدايــــد وبرخــاها
وأنت نجمٍ فــي السمــاء لامــع وْساطــع ونايد
يالنجم نجمتْك بأقصى السماء نــــوّر ضياها
وأنت فعلك يظهر إن كان صــــار الأمــر كايد
وْنفتخـــر فـــي فعلك النــادر وْفيـــــه نتبـــاها
وْيـــامديـــــر المكتب بهمّتك رمــــت البعـــايــد
بالفكــــــر مـــن شان ديرتْك ترفــــع مستواها
المدارس مــــــن زمــــن كان فيها العلـم سايد
وآخــــر الأزمــــــان والله مــــدري وش بـلاها
لين جيــت وْشلتها بخبـرتك فـــــــــوق النجايد
وْكلٍ استبشــــــــر بإدارتــــك بأوّل مبتــــداها

  عبدالله عوجان

 وقصيدة أخرى مماثلة رسمها بعنوان " خبير التجربة"

لأنك عظيـــــم وتستحقّ الثنـــاء لا جــاك
وْلأنــــك مـــــن رجـــــالٍ تنــومس فعايلها
وْلأنـــك ولد شيـــــــخٍ على المرجلة ربّـــاك
لك المــدح يـــافخـــر العبــــوس وْسلايلها
وْلأنــــك خبيـــر التجربة فـي فهم وإدراك
وْلأنّ الإدارة تســتــغـيـــثــــك رســـــايلها
صدر بإسمك المرسوم للمنصب من هناك
على شانـــــك تعــــدّل بخبـــرتـــك مايلها
تشــــرّف وتفخــر منطقة حايـــل بشرواك
وْتشـــرّف بــك الدولـــة مهـــو بسّ حايلها
   عبدالله عوجان

https://www.youtube.com/watch?v=nrscQe7RxBA

http://youtu.be/ZsjleAJ2lPc