الحلـم ضـاع وضيـعـة الحـلـم غـربـال
لـكــن عـــزاي أعـيــش مـــع ذكـريـاتـه
جيـتـه وأنــا رحــال واقفـيـت رحـــال
شخـصٍ مــن جـروحـه تـهـل أعبـراتـه
صافح سماء الدنيا مـن الجـال للجـال
يـحـلـم بـحـلـمٍ فـــوق صـبــره وذاتـــه
رسـم علـى وجـه الثـقـة طـولـة الـبـال
لـن الثقـة وحــدة مــن أشـهـر صفـاتـه
وأمسى وهو مقبل على رسم الأطلال
وأصبـح وهــو مقـفـي يجـمـع شتـاتـه
ذكــاه وقـتـه قـبـل مـايـشـرح الـحــال
الله وأكـبــر كـيــف حـلّــت ذكــاتــه ؟!
مـاصـار صــار ولابـقــى عـنــده آمـــال
نــــوّخ مـشـاريـهـه وكــســر عـصــاتــه
وأعتـق مفاهيـم الوهـم قـدر وإجـلال
مـــن شـــان يـقـنـع نـظـرتـه وألتـفـاتـه
لـنّـه قـبـل شـافـك عــن العـالـم لـحـال
وكم شخص ثاني لجل خاطرك أماتـه
وحطّم علـى شانـك مـدارات الأهـوال
يحسـبـك تبـنـي فــي يـديـك أمنيـاتـه
مافـيـه مـخـرج دون غـايـة ومـدخـال
لـكــن نـكـبـة مــــن جـنـابــك وجاته
وآخـر مسـافـات الـرجـا قـطـع الآمــال
وأقـــرب مـسـافـات الـرجــا ذكـريـاتــه