بعض البشر وافي وونعم و رجال
ترميــه من خلفــك وقبلك تلاقيه ..
هذا الذي سجّله من ضمن الابطال
تفرح إذا شفته وودّك تخاويه ..
يرفع مقامك في المجالس بالافعال
الصدق يبدا به ويوجز وينهيه ..
بعض البشر مع كل من جاه طبّال
وقت الشدايد ينكشف كل مافيه ..
لا تحسبه ضمن الرجاجيل لا قال
تتغـيــر أقوالــه مــع مــن يناديه ..
مثله كمــا المنديل للدمع لا سال
تمسح به الدمعه وف الارض ترميه ..
ونصيحتي للّي مربين الاجيال
لا طاش في درب الزلل لا تعاديه ..
ارفع يدك لله يصلح له الحال
والله قادر لك يرده ويهديه ..
ولا تسكب العبره على جاهلٍ ضال
خلّه يلاقي ف الزمن من يداويه ..
خلّه يخوض التجربه بين الانذال
أما صحي وإلا طلبت العوض فيه ..
من صغر سنّه شلت انا عنه الاحمال
واعطيه من صافي حناني واداريه ..
ويوم صار له في نظرة الناس مثقال
نسي حنان أمه وبيّن مجافيه ..
(أبوه وامه ماطروا له على البال
لــيـتـه تذكّــر كيف كـنــا نربيه ) ..
ماني بحاجه له إذا العمر بي طال
وعلى الجفا والصد ربي يجازيه ..
(
(
التعليقات 1
1 pings
العميد
11/08/2016 في 1:52 م[3] رابط التعليق
ابداع جديد للشاعر المبدع