ياصاحبي تبغي علومي قمت أبا أعطيك العلوم
اقرب وخذ مني نصيحة ماتجي لك بالمنا
احرص على دينك لاتاخذك الأماني والحلوم
ولاتوثر الدنيا تراها ماوراها إلا العنا
شفها أفتنة بين القرايب وشعلت نار السموم
والثأر والفتنه من الشايب تورثها الضنا
ناس ن نظرها للوطى ووناس نظرهالنجوم
والآدمي مهما على شأنه مرده للفنا
الموت بارقاب البشر غير الولي محدا يدوم
كلن له اجلن عند ربه بالكتاب مدونا
واللي تدرق عن سهام الموت ما أخطته السهوم
من ذا الذي يقدر يرد الموت لأمنه دنا
والخوف والعزم الردي ماطول أعمار الرخوم
ولاماتو الشجعان قبل الأجل من ضرب القنا
والفقر هم وغم وأصحاب الغناه أكثر هموم
وفي مدفن الناس الفقيره يدفنون أهل الغنا
ولاحدن خذا ماله معه للقبر في وقت اللزوم
ليا مات خلى المال من نقد السيولة والبنا
مايأخذ إلا سبعة أذرع خام من بيض الهدوم
تحزم على الجثه قبل تدفن وفيها تكفنا
وكم من فقيرا عايشن مرتاح من قو العزوم
وكم من غنيا من شقى نفسه بماله ماهتنا
طغى عليه المال وأنساه المروة والسلوم
وقطع وصال الرحم بالاقراب وأقصى من دنا
والعافية لوطالة أيام السعادة ماتدوم
استغنم الفرصة قبل تأصل طريق المنحنا
مادمت في صحة ترى بعض البشر منها محروم
احرص على النعمة بشكر الله وفي حسن الثنا
ولاتحسبن الله غافل عمايفعله الظلوم
يمهل ولايهمل وعنده بالكتاب مؤمنا
واستغفر الله واعلم إن الله غفار رحوم
يغفر ذنوب العبد لأمن تاب لله ونحنا
الشاعر: محمد مزيد بن هرسان
(
(
