هاضت مشاعر واحد من خوالك
واستلهم ابيات الشعر قدر واجلال
يا سيدي يا ابو فهد كلنا لك
ابشربنا لادق جال ن على جال
حنا سعد راسك وحنا عيالك
وقفاتنا ضد العدا تشرح البال
أرواحنا من دون روحك بدالك
واعمارنا بالحرب تنباع بريال
يا ذا الكريم اللي يضلل ضلالك
ويا ذا الشجيع اللي له الضلع ينهال
أرخصت من شان الوطن راس مالك
مجدك مع الايام ماضي ولا زال
أبشرك وقت الفجر يندعالك
ترفع لك يدين الأرامل والاطفال
يوم ان هادي من حياته شكا لك
كملت ماجوب الوفا قول وافعال
دعيت للحد الجنوبي رجالك
واستبشرو في موقف ماله امثال
من فوق بيض ن تودع الخصم هالك
تزلزل الارض القويه تزلزال
ويشين فال إيران ويطيب فالك
ويموت كل انسان حاقد ومحتال
هذي مشاعر شاعر من خوالك
يقولها ياسيدي قدر واجلال
(
(
