رديه بين الشاعر : محمد بن مدعث والشاعر محمد اخو عبده

بن مدعث

يا محمد .. تعالى الله عن المشركين
العباد الذليلة تحت بعض .. العباد
ملت العين .. شوف الزمرة الغافلين..!
عن خشوع الصلاة وعن شموخ الجهاد
أعظم الظلم حسبتهم على المسلمين
و اهون الظلم .. شوفتهم هنا بالبلاد
والقصيدة طويلة و المعاني ..تزين ..
كل ما طالت … الطرقة و بان المراد
أنت غالي و ابن عمي و علمك ..سمين
و لك نظرة بعيده و لك رأي .. سداد
كل ما غنت الورقا لحنها … الحزين
ناح في فارع الوادي و غنا .. فواد ..!
البنادم ضعيف .. كان ما فيه .. دين
توتليه .. الهموم .. و يعتريه .. السواد
وان طمع شرس وأقذر من كلاب البطين
لا تهمه  … سلوم و لا يدور … رشاد
ما درى ان المقدر منكتب في الجبين
ما للإنسان غير اللي كتب في المهاد
عاد قلت أنشدك و أنت الرفيق الفطين
صاحبن بينك و بين أهل الرذايل حداد
راعي الجنة  .. الأولى كسب جنتين ..!
لكن الصبح حصل جنتينه … رماد ..؟
بعض الاجواد .. قالوا .. ربك اللي يعين
البلاوي تصيب المؤمنين .. الشداد ..!
خلك من العباد .. الاتقيا .. الصابرين ..!
و اطلب من الله .. التوفيق يوم .. المعاد
و بعضهم قال هاذي لعنة .. الظالمين ..!
العقاب .. المنزل فوق روس الفساد ..؟!
جل من يأخذ أهل الظلم و المفسدين ..!
قبل يوم الحصاد و في نهار .. الحصاد ..”
من مشى خلف نفسه ما ربح درهمين ..!
هاذي العاقبة .. و العاقبة للعباد ..!
و الحقيقة .. لو تخفى زمان .. و تبين ..
والله اللي عليه .. الستر و الاعتماد
يا محمد .. و انا ادري فيك عندك يقين
إن الإنسان  … عنده حجة الاستناد ..!
صاحبي راعي الجنة .. صفق باليدين
قال .. بآل البشر و يآل .. الاعتقاد ..!
قلت .. و الحق .. قال الله و فيه استعين
قلت .. و الناس قال أعوان للاضطهاد
قلت .. قالوا بك و حطوا بك اللي يشين
قال مدري .. لا شك ان المعوشه عناد
و أنت قلي ي أبو قايم سمي .. الأمين
هو من الأتقياء و إلا من أهل الفساد ..؟

محمد اخو عبده

يامحمد يبن مدعث كلامك ثمين
ولا بديت الكلام إلا بعلم” وكاد

وقت بالقمه اللي دونها البائسين
لين حطيت من فوق الذلول الشداد

شاعر” ضربت بيوتك تقص الوتين
وقعها يشبه لضرب السيوف الحداد

وقوة الوازع اللي مقتفيه الحنين
الفعول الصحابة فوق قب الجياد

منه نعرف  مدى التفكير فالأولين
ومنه نقرا عيونك قبل وقت الرقاد

مير ياللي تفرّق بالسمن والسمين
ودك النار لا شبت ماترجع سماد

ادري انك تحرّى وأنت جنبك متين
تعرف ان المجمد غير ماهو جماد

والسيوف الطوال اللي تحصد السنين
مالها حق لو تضرب صباح وهجاد

غفلت عقول صادفها عدو” مبين
وصار برقابهم علقه سوات القراد

وقام يرسم على الماء كل ماتشتهين
يالنفوس المطيعة بالرسن والقياد

وجات تعطي يسار الدرب قبل اليمين
سلعة” ماترجع لا دخلت بالمزاد

ويامحمد وهي كلمه ماهي كلمتين
تختصر في عيونك قصة السندباد

من يخالف دروب الطيب والطيبين
ناقص ويحسب انه في مواقفه زاد

عاد لا ترخي إذنك للحسن والحسين
وأنت حر” تنومس في نهار الهداد

من يجادل قليل العرف والجاهلين
مثل من يتبع اللي هام في كل واد

والحقيقة تبين وكل قاسي يلين
ويكبر اللي تخبر انّه بسن المهاد

وانكسار الطموح اللي كسر كل عين
كانت تعانق  الأمجاد بالاجتهاد

نكس الروس لن الروس متخاذلين
ويملي أبطونهم حتى عمود الجراد

والّا لو المعارك مثل بدر وحنين
نذر مانحسب حساب العتد والعتاد

نارد الموت من قو السطر قادمين
كنّ حنّا انتعايد في نهار العياد

مير شان الزمان وراحوا الغانمين
وهذي الناس تاليها نفاد بنفاد

ويامحمد وهي كلمه ماهي كلمتين
تختصر في عيونك قصة السندباد

من يخالف دروب الطيب والطيبين
ناقص ويحسب انه في مواقفه زاد