[POEM="font=',5,#f8dedd,bold,normal' bkcolor='#f91a1a' bkimage='' border='solid,1,#670404' shadow='1' type='0' line='1' align='center' puse='ex' num='0,1,#400000' fshadow='1' fshadowc='#361111' proundc='1' bkcolor2='#770303' gradient='0,0,1,0'"]الليل و القــمرا و نســـناس الشـــمال

عـــلاج للــي قافــلــه نفــــســـــيــته

هـــدوء بــر و فــيه للــراحــه مجال

وتبعد عـــن اللي ما تبي شكليته

معذرب اهل الطـــيب معثور العيال

ليته جلـــس في البيت عند مويته

ما دام ماله في المراجل راس مـــال

حاله مثل جـــربا الحـــلال مهيته

الصدر مـن شوفـــته مل الاحتمال

مـــا عــاد يأنــس بــه و يانــس جـيته

مهايطه بالهـــرج نسـج مـن خيال

مـــا يقــنع اللي يحــترم عقـلــــيته

يغالـــط الــواقع و يسعى للجــدال

والهـــرج نعــرف نــيته و نحـــيته

الطـــيّب نقـــدره لــو طـــيبه هبــال

طيبه يكـــفر فــي المراجــل ســـيته

قد قالها مسلــط وجت مضـــرب مثال

بيتً يعيب اهـــل الوجــيه المـيــته

اهبــال طـيب و لو يسمونه خـبال

معــــنـاه لكن مــاهــي بــقــافـــيته

والكامـــل الخــالـــق وللـــه الكــمال

والطيب مـــيراث الرجل و وصــيته

الطيب ورث الــطيــبين مــن الرجــال

مـــن مـــات منــهم ورثــــــه ذريــته

يمـــوت راع الفــعل و تــدوم الفعال

اللي علـــوم الطـيّـب دايــم نيـــته

يوم الردي مـــا جمله كـثر الحــلال

تقصـــر عــن شبــور الرجــال ايديته

الطيب والمعــروف في طبعه محال

لو كان في الدنيا تشـيب اللحيّته

ما يحمل حمول الجمال الا الجمال

والخــبل خبــــلاً لـــو تزاين هــيته

ونا على الواقع طرحت اصعب سوال

و طــال الصــبر مـــا رد لـي رديته

هو ليه راع الطـــيب يكــرهه الريال

ويبــلاء بخـــــيلاً باليه طـاقيـته

لو كان مــاله يازن ثقـــال الجبال

مـــا يعطي المحـــتاج مـــن مالـــيته

قلته وانا في دنيتي مرتـاح بال

والبال في الــراحــه لقى حريــته[/POEM]

[COLOR=#ff0700]الشاعر : سعد الشقحاء[/COLOR]