[POEM="font=',3,#f8dedd,bold,normal' bkcolor='#f91a1a' bkimage='' border='solid,1,#670404' shadow='1' type='0' line='1' align='center' puse='ex' num='0,1,#400000' fshadow='1' fshadowc='#361111' proundc='1' bkcolor2='#770303' gradient='0,0,1,0'"]

لا يازعيـم العـرب ياقايـد الامة
ياعـزنا الي تعـزوى به عـزاويه

يامضربٍ للمثل بالحزم والهمة
ما يرتكي للشدايد غير راعيه

ياقال اخو نوره قال وكلمته تمه
ياحي أخو نوره وياحي طاريه

مدام سلمان متسيد هل القمه
لـو طالت علومهم تر مالهم نيه

وحد شتات العرب في ساعة ولمه
ودبر هل الهيجا في حزة بلاويه

ولمت عليه العرب من كل ابو يمه
ياعـزنا الي يذكـرنا بـماضيه

ياحامي الدين ومروض هل العمة
قومن تداعت علينا من تواليه

ما همنا كل متشـرذم وشرذمة
مــدام سلمان باولـها وتـاليه

الياتعزوى بعوجا ورد الجمه
يا كلمةٍ ضيعت راي السياسية

كم واحـدٍ ياغدت به اتجـه يمه
عقب المذله رقى في راس مبنيه

وكم قالةٍ يادبرت ثنالها وزمه
غير مساراتها وجدد معانيه

لاقامت أيران لا حلفه ولا قمه
ولا قام صالح ولا حزبه وحوثيه

في لحظةٍ فسرت بلادنا كمه
وشنت على حلفهم غارات جويه

صقورنا في عدن اتقود المهمة
طلايعٍ بالفضاء تسعين دوريه

من بيْتوهم بيات بليلة الخمة
في ليلةٍ قادها صقور السعودية

بعض العرب تشتري وتبيع في دمه
يوم الخيانة تبين بوجه راعيه

قومٍ تمكن عدوه من بني عمه
لا بارك الله ولا جادة مساعيه

جروح كسرى لازالت فيه مشتمه
تبكيه سود العمايم والخمينيه

إذا غفوا مرةٍ صحوا على همه
والخيل في ملعبه والقوس مبريه

أستأذنك سيدي وانت أبوه وسمه
قد التحالف على أرباب المجوسية

إصعد بنا للسما وجباهنا يمه
نطلع معاك الفضاء في ساعةٍ حيه

وإذا ضربت البحر في ذمتي ذمه
نقطع وراك البحر حبوى ورجليه

الشاعر/ عمار القليبي السويدي[/POEM]