[POEM="font=',3,#f8dedd,bold,normal' bkcolor='#f91a1a' bkimage='' border='solid,1,#670404' shadow='1' type='0' line='1' align='center' puse='ex' num='0,1,#400000' fshadow='1' fshadowc='#361111' proundc='1' bkcolor2='#770303' gradient='0,0,1,0'"]

هبّو حماة الدين لعيون سلمان
البارحه يازين مسرى الذيابه

كلٍ يقول الموت يا الموت طربان
دون الوطن موت السعد مانهابه

بقيادة محمد سلايل كحيلان
ابن المليك اللي عزيزٍ جنابه

فوق المجوسي دندن الحرب نيران
يمطر رصاص العز مثل السحابه

وردو على كوبان في دار كوبان
واركو عليه النار مارد جابه

عاره ومن والاه عاره وجابان
يحرم عليه العز ماطق بابه

انذار هذا بس كله على عشان
تعليم للجابان يحسب حسابه

علم ردي الباس وضعيف الايمان
حدالسعودي دون حده ذيابه

حناعمى عينه وخازوق الاعيان
من هازنا حنا شقاه وعذابه

حنا حماة الدين في كل الاوطان
حنا سيوف المجد حنا زهابه

لا الغرب يردعناولا جيوش طهران
والموت من دون الوطن مانهابه

واليا دعانا ساعة الحرب سلمان
ماننثني والسيف عزه نصابه[/POEM]

[COLOR=#ff001f]حمد هديرس العويمري[/COLOR]