[poem="font="Simplified Arabic,4,#000000,bold,normal" bkcolor="#FFFFFF" bkimage="" border="none,4,#400000" shadow="1" type=0 line=0 align=center use=ex num="0,#400000""]

اسر يا ليل وانته ليل وحسابك علـى السهـران =أعلـمـك الحـيـاه ومرحلتـهـا الإنسيابـيـة

على وجه البسيطة أفرق الماضي مـن المليـان= وأغني لي ببيـت وتنتحـر عشريـن حوريـة

وبعد هبت على خشمي هبايب موسـم الأحـزان = تنحـرت القصيـد الـلـي تبكيـنـي معانـيـه

أنا عز الله إني ما نسيتك يـا صـدى الحرمـان = لو إن مابه علاقـة غيـر حـب الخـي للخيـة

تجمعنـا مساحـات الأدب والحـزن والقيـفـان = وتربطنـا تقاليـد العـرب والشيمـه الحـيـة

كثر ما الهـم فـي قلبـك ديـون مالهـا ديـان= أحس الكـون فـي عينـك حكومـة دكتاتوريـة

أشوف إن في قصيدك سلطة الحاكم على الرعيان= ولـو تزعـل حركـات التـذمـر الانفصالـيـة

أنا لي بنت فكر مـن وصلهـا علمـك مسيـان= وطاها ما وطـى قلـب اليتيـم ف أمـه وبيـه

لو أن ما يرهب الشجعان لا من فروا الشجعـان = سوى صهلة خيـول القـوم ودمـوع السنافيـة

أي والله ببكي وبنثر دموع المعرفة مـن شـان= تعابيـر الغـلا والقلـب الأبيـض والمحنـيـة

وأنا لولا الأحاسيس النظاف وصـادق الوجـدان= نحرت خيول دمعي قبل تاطـىء جفـن عينيـة

لو إن ما أنتي بعجمية تعازيهـا علـى العجمـان = لكنك في عيونـي أقـرب مـن الفيـن عجميـة

لو إن ما أنتي صحابية لها بين الصحابـة شـان = لكن عندك مـن أخـلاق أم عمـار الصحابيـة

لكن يا قلب ياللي فيك غصـن يابـس وذبـلان = لا تبلـش فـي السنيـن المقبلـة والأولانـيـة

اهي مثل الأديب اللـي توفـى ظامـي وجيعـان= توفـى واكتفـت كـل القـبـور الإرتـوازيـة

وأنا مثل العزيز اللي يعرف إن الفقيـر إنسـان= ولكـن عـذره مـن الله الأول ثــم مخابـيـة

وهي تدري ما فيه أقسى من مفارق ربى الأوطان= سوى اللي ينكر أن الجمر يحرق رجـل واطيـة

وأنا اللي ما عرف نعمة تساوي نعمـة النسيـان= ولولاهـا غـدت كبـد البنـادم جمـرة حـيـة

عليها من تباريـح الحـزن آيـة مـن القـرآن= ويلهم أهلها صبـر النبـي عيسـى و حواريـة [/poem]

[COLOR=#FF002E]الشاعر: محمد بن الذيب [/COLOR]