الشاعر خليف الوهيداني 

[COLOR=#D60081]إعداد وإشراف : خالد العجوني[/COLOR]

شاعرنا لهذا الأسبوع شاعر علم يتميز شعره في الإيقاع والتصوير ، متجدد ، مبدع ، أجاد الحبك وأصاب الوصف غاب عن أفلاشات التضخيم والمجاملات بقناعة إلا أنه متابع جيداً للساحة الشعبية وله جماهير تتذوق جديدة باعتباره شاعر لايكتب إلا بحدث أو مناسبة أو موقف ، أو قضية اجتماعية ، فأصبح مطلب جماهيري لكل متذوق للشعر الحقيقي .

شاعرنا لهذا الأسبوع ( خليف الوهيداني) أخترنا لكم من جديدة ثلاثة قصايد

قال: في الوطن :

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

بديت بسم الله المعبود سبحانه = ملاك الأرواح والدنيا ومافيها
بديت بسم العظيم المعتلي شانه= اللي بليا عمد سماه بانيها
مكّون الأرض وجباله ووديانه = وبأيديه الأرزاق يقطعها ويعطيها
اللي وهب لآدم أبو الخلق غفرانه = يومه طلب عفو نفس إبليس مغويها
وخلق من آدم بشر بالكون وأوطانه =منه خلق خلق يرزقها ويكسيها
مفرق الخلق بأشكاله وبألوانه= والنفس يعلم برغبتها وخافيها
منزل بأفضل الأيام قرآنه = وأمر رسوله عباده فيه يدعيها
يأمر بدينه ووضح خمسة أركانه = وصلاته اللي له عباده تصليها
ومن بعد ذكره نقول الشعر قيفانه= قيفان شعر(ن) لدار العز ناقيها
ولها الغلا عود جاوي فاح دخانه =أبلاد من في أصول الدين بانيها
اللي بشرع الله المعبود سيسانه = دستورها الدين والقرآن قاضيها
اللي قبل جيته بالظلم غرقانه =الدين فيها جهل والفقر واطيها
ومن الفقر ينهب الرجال جيرانه= من الجهل كل طرق الدين ناسيها
ومن قلت الامن تمس الناس زهقانه= تمسي وتصبح بها الناس أبلاويها
وركز بها كاره الا سلام نيشانه = وهدافه اللي يبيها كان لا قيها
يابي يواصل بتخطيطه وكتمانه = وهوية الدين يفنيها بهاليها
لكن ممداه يومه جاه ديانه =هدم نواين قبل بالدين ناويها
وسكر بها الشر في يمناه بيبانه= يمنآ لفت بالكرم من فعل راعيها
ومن الشجاعه وزود العز وإيمانه= وهقوات نفسآ ماغرتها هقاويها
ونصر من الله صار الشعب صدقانه = وساروا ورى دعوة عز(ن) مباديها
ورى من المملكه رمزه و عنوانه=اللي رفع مستواها وعز أهاليها
عبد العزيز آل سعود وسيرة ازمانه= تشهد له الدار حاضرها وماضيها
دار(ن) من أفعال كفه تقل شيهانه = شيهانة ماخسر بالصيد شاريها
قايد عسى جنة الفردوس مسكانه = ونفسه عن النار جعل الله يحميها
حر(ن) وخلف حرارآ شانهم شانه=ماغيروا سيرة الشيخ ومماشيها
زادوا على الخير خيرن فوق بنيانه =أملوكنا اللي كريمات(ن) يمانيها
واليوم عهدن لعبد الله وخوانه = برواحنا المملكة والمال نفديها
ونفدى مليك (ن)ماننسى دمعة عيانه= لابنا الوطن يوم ينعاها ويبكيها
وبالخير فعله وصل لناس فقرانه = وسياسته كل خلقه الله تحييها
وولي عهده يمنيه طالت ايمانه=طيبه على الناس قاصيها ودانيها
وكل (ن)شهد له بتقديره وعرفانه= ماتنحصى ناس من ماله يداويها
بالعدل والشرع حكمه بالفعل صانه= دامت حياته وطابت له لياليها[/poem]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

وياللي تبثون هرج(ن) ماله الخانه = دبلتوا اكبودنا بكلمات نوحيها
والله لتفنى البشر شبه وشيبانه = وتفنى العذارى من أولها لتاليها
ماتجيب مثل السعود رجال بطرانه =الحكم ماهو مسلطها ومطغيها
وادار بفعالهم صارت تقل دانه = وعلى المعزه مبنّاتن مبانيها
وزاد التطور وغاب الفقر وجدانه = عقب الدهر سال بالخيرات واديها
في كل عامآ يزيد الدار عمرانه= وتوسع الطرق وتزود كباريها
كله على شان شعب الدار وآمانه = دار الكرامه عسى الخالق يخليها
دار(ن) غلاها سكن حضره وبدوانه = مافيهم اللي ماهو بالحيل يغليها
يامهبط الوحي والإسلام عنوانه = وقبلت صلاة العباد اللي تصليها
ياموطن الدين والمظلوم مزبانه = لا قام نفسه خطا العدوان يكويها
وببلادنا مانطاوع ناس مرضانه = ناس(ن) طغاها عن الايمان معميها
وقلوبها بالحسد والحقد مليانه = ونفوسها أبليس بالفعال مغويها
ناسآ على من رزقه الله منانه= رزق البشر تقل يدفع من مخابيها
وعند الشهاده يبين الرجل وأيمانه = أحدن يقول الحقيقه واحد يخفيها
تكفون يأهل البلد أقفوا لعدوانه= لعدا بلاد الاسلام ومن يواليها
الله يعز الوطن والدين وعوانه =ويكشف خفايا العدا اللي تعاديها
دار(ن) عليها نفوس الخلق شفقانه = والعمره وحج بيت الله براضيها
حنا فداها ان قام الحرب نيرانه = وروح من شانها للموت نهديها
اخترت لك من حزيل الشعر وسمانه = مثايل بعظمة الآ له باديها
ولحط الشعر ورماي نيشانه = أرم الاشاره وبآذن الله ماخطيها
صلاة ربي على محمد ورضوانه = على محمد واله دوم نثنيها[/poem]

وقال: في الشأن الاجتماعي

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

يالعبد الاتشكي همومك على الناس = شكوى لغير الله ضعف ومذله
وليا وطاك الظيم يالعبد والياس = عنز على اللي خالق الكون كله
اللي منه ماينقطع حبل الاياس = وصم الجبال الراسيه يسجدله
وسعى لرزقك والعمر ضيق واوناس =ورج الذي كل البشر تحت ضله
وكبر وهلل للولي صبح وادماس = كبر وفرض الله لـ الله صله
وصبر على جور اليالي والاتعاس = والصبر لوطال العنى لاتمله
وابعد عن الانجاس وعيال الانجاس = وراع الردا لوهو ولد عم زله
وخلك مع اللي سمعته ترفع الراس = وذكره وصيته بالكرم شاهدله
اللي لياجيته بالاوضاع منحاس = يقوم لك ويكرمك في محله
لوهوه من اقصا الناس ياطيب الساس = يسوى قريب(ن)مايظللك ظله
ولاتنخدع في قرب ماكر وبلاس = وابعد عن اللي فيه شبهه وخله
ومرد راع المكر لبنوك الافلاس = لو المكر عطاه منصب وفله
وراع المثل قد قال الاهب نسناس=قله بماقاله وماقلت قله
من مايدوس الراي يقدام ينداس=عليه ديس ومارجا ماحصله
وماكل طيرن يابيض الوجه جنراس = لويشبه الجرناس في منظرله
مثل البشر ماهو سوى اشكال واجناس = وكل(ن)على المربا نشت عادتله
وكل(ن)لرغباته باهالعمر عساس = ودرب الردا والطيب كل(ن)يدله
والله خلق لللادمي شوف واحساس = وكل(ن)نظر عينه على حاجتله
ون ماحفظت الراس من ضربت الفاس = بالراس بانت للبشر ضربتله
واللي يعاعي مثل متعاع الابساس = عله ومن خاواه غثه وعله[/poem]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

والله انك عندنا غالي وفوق اوصاف غالي = وانك انت اللي جرا غلاك وسط الدم كله
راسين غلاك يالغالي مثل مرسا الجبالي = مايتغير دام انا عايش بقلبي عن محله
لنك انت اللي وفيت وشفت انا منك الفوالي = والغلا ثبتك يازين الطبايع في سجله
واقطف اثمار الغلا يوم الغلا بالغصن مالي = اقطف الثماره وخلك ياوليفي تحت ظله
يوم جالك يابسن غصنه من ادهور(ن)اطوالي = وقمت في هداج تيما العذب يالغالي تعله
استلم وصل الغلا اللي مدلك غرب وشمالي = وستلم وصله جنوب وشرق دامك مالكله
استلم وصله وسو اللي تريده لاتبالي = وانت من وصل الغلا تطويه وانت اللي تفله
والجواب اللي قبل سينه تقدم للسؤالي = لو كتبته لغز بالاشعار من يقدر يحله
والرفيق اللي ماهو بالضيق والشدة ظلالي = انسف أدياره شمال وبيته المهدوم خله
لوفرش بيته ليا جوه العرب باغلا الزوالي = ولو ملك مليون قصر ولو ملك مليون فله
مارفعن قدره وذكره لاحصل يمه مجالي = ونعنبوا مال(ن)يحقر الرجل بالعمر ويذله
وليت بعض الناس ماعقب باهالدنيا عيالي = والنخاوي ليتهن من هفته ماوديله[/poem]