بشير الرشيدي 

[COLOR=#FF002E]إشراف وإعداد : محسن الاشرف [/COLOR]

شاعرنا لهذا الأسبوع شاعر ، أستطاع بقوة العزيمة والموهبة أن يضيف للساحة الشعبية وهج متقد من حيث الشيلات المتنوعة التي أصبحت مطلب جماهيري لمتذوقي فن الموروث الشعبي .
شاعر حائل النحم المتقد الشاب المتوهج الذي فرض شاعرته بقوة وجودة مفرداته ، كان محل اهتمام ومتابعة الرعيل الأول من شعراء الساحة الشعبية .
شارك في عدة برامج ومحافل محلية ودولية ، يتعامل مع كل مناسبة بحسب حجمها ووقتها ، يتسم شعره بالدقة والمصداقية والجزاله والحكمة ، يتفاعل مع جمهوره ويقابله المتلقي بالرضاء والقبول .

شاعرنا :[COLOR=#FF002E] مشاري سرهيد :[/COLOR]

[COLOR=#0005FF]قال في مليكنا الغالي :[/COLOR]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
زان جو القصايد يوم ذعذع هواه =وفاض صدر القريحه بالكلام الوجيه
شاعرن لاتغنا يلفت الانتباه =محتزم بالحزام وموقفه محتميه
لاعطوه التحيه يوم ربه عطاه =شرف الرجم واقبل والفخر يحتويه
ساق قيفان شعره للمليك وفداه =كل شعرن يجّمل في مقامه وفيه
اكرم ارحم ملوك الارض في هالحياه =علني فدوة عيونه وفدوة يديه
مرتكن للصعاب وكل مجد رقاه =حقق اكبر طموح وكل شي نبيه
كل رواي كتب عن سيرته بالرواه =ابتدابه وشيب قبل لاينتهيه
متعب اقلام من يمشي ويكتب وراه.. =امتسامح ومتواضع محنك نبيه.
قلهم بدري الاقلام تلحق مداه.. = ابو متعب لو نجّمع فعوله نتيه..
كل فعلن يزود هيبته من دهاه.. =والمدايح تقبل راسه وتشتهيه..
حنكته ترضي اصحابه وتحرق عداه =والفخر بين نظرة عينه وحاجبيه..
كل شعبه مبين له وفاه وغلاه .. =والله يطول بعمره ويرضى عليه. .
وكل شعبك ياابومتعب يجدد ولاه =من محبه وطاعه وانت منّه واليه[/poem]

*******
[COLOR=#FF0026]وقال في مسقط رأسه حائل عروس الشمال [/COLOR]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
الجو كايف ورايق ياعروس الشمال = يوم احضنتك الغيوم ولاح براقها
شاعرك رهن الاشاره كان قلتي تعال =مهرة هجوسه لعينك متعبٍ ساقها
كن المطر يوم طاح من السحايب وسال =يشكي على هيية جبالك من فراقها
ويتيه بين الطبيعه والحسن والجمال =ويسقي ثرى شجرتن ماخانت اوراقها
ويبين فيها الحيا ساعة يميل الظلال =حتى لصوت الهبايب تعلن اشواقها
ويكسى الخضار الفياض وكل وادي وجال =هاذي هي الساعه اللي كنت مشتاقها
وانا عليّ القصيد اللي يثير الجدال =حتى يصافح كفوف الشمس بااشراقها[/poem]

*****
[COLOR=#FF002E]وفي مجال الغزل قال شاعرنا :
[/COLOR]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
خذني من كفوف الاماني والحنين =وارسملي البسمه على وجه اللقا
غلاك يسكن عين والذكرى بعين =شفت الغلا وشلون لعيوني رقا
اليا اشرقت شمسك وصافحت اليدين =طلت صباحك يستحي منها الشقا
ويبوحلك شوقن من الفرقا سجين = وامدلك كفي على وضح النقا
كل المسافه عن عيونك خطوتين = حلمن مع عيون الحقيقه ماالتقا
يردد احساسي صدى الناي الحزين = واصبحت انا والناي والصوت اصدقا
وش بيني وبينك ياحلم العاشقين = خيبت ظن اللي رجا فيك وهقا
هذا وانا اللي ذاخرن لك شمعتين = شمعة قصيد وشمعتن للي بقا
يلين لك قلبي وراسي مايلين = سلمت ياراسي ياعلك للبقا
وش عاد باقي مابقى الا كلمتين = عقب الطريق اللي مشاويره شقا
صبري جبل يادمعتي لاتشرهين = العز غالي والمشاريه امحقا[/poem]

[COLOR=#59595A]وعلى المحبتي نلتقي الاسبوع القادم مع نجم جديد [/COLOR]