اضواء الوطن 

[COLOR=#C80D67]إشراف : محسن الأشرف
إعداد : رنين الذهب [/COLOR]

شاعره ملأت الدنا بصوتها الشعري القوي حتى طربت لها الاسماع والهبت الاكف بالتصفيق ونثرت لها الغيوم عبارات الاعجاب والثناء
لقبوها بشاعرة الوطن وحصدت لقب شاعرة الجنادريه وتوجوها نجمة سهارى ومابين خطوه واخرى كانت تحضر وتتوهج في البرامج الشعريه والمناسبات الوطنيه والامسيات المختلفه والتي توجتها باصدار اول دواوينها المطبوعه تحت عنوان (حورية البحر)
اماالاغرب في تجربتها الشعريه انها لم تشارك الاخرين تجربتها الشعريه الاعندما نضجت واكتملت روعتها الكامنه في تفردها وقوة حضورها
انها الشاعره السعوديه تهاني بنت جريس وللوقوف على تجربتها بشكل فعلي اليكم بعض من نصوصها الجميله :

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

اركن على النايف ووقف بالمسار=السيل جارف مالك بقطعه سبيل
والعين حبلى من دهر ترمي شرار=رموشها حشد وبواريد وفتيل
ياسيد حضور الفكر قبل الحوار=بلّغ تحية حب من شعبٍ نبيل
عجّل علينا مانطيق الإنتظار=اليوم حملك حمل وعيارك ثقيل
عطنا على شف الطرب طلقة حرار=يشوش منها كل مرقاب ويسيل
حلت دواعي ذكر تاريخ الديار=الشامخه محفوظة الورث الأصيل
وإن توجو يوم الوطن بالإفتخار=أرسلت أنا لعينه منقضة الجديل
أم الكفوف البيض لابسة الخضار=أمّارة النظره على النبضه تميل
راحت مع المغرب وأنا أحث الصغار=أطمح وآقول لموطني منت بقليل
وإن جابها المولد على راس النهار=تسمع لها من يمة المشرق صهيل
ماكنها إلا وحدها بين المهار=يوم أقبلت ترتع على روض النخيل
سلّم على روس البلد وأهل القرار=صناع مجدٍ يفتخر به كل جيل
اللي لنا من عزمهم عزم ووقار=مانوخو يوم العرب شمس ومقيل
من يجهل التاريخ خطواته قصار=يلهث ولا يلحق مدى الدرب الطويل
الملك لله ثم لآل سعود صار=عهدٍ نشيله كلما الذكرى تخيل
من داني ربوع الجزيرة للقفار=ندوي صداه اليوم مانرضى بديل
يانافث الفتنة بدعوى الإنحدار=مكسور عين وحامل الفكر الدخيل
العـــود وحّدنا على كل ائتمار=وحدة قلوبٍ ضمها مع كل ميل
عبدالعزيز استودع المولى وسار=ماهدها إلا بكف وافين الجميل
والديره اللي شعبها بالحب ثار=مازعزعت يوم أشهر القادات زيل
ماهي غريبه لأننا رمز وشعار=وأمثالنا العليا من البيت الجليل
والعصر هذا لوخضع للإنهيار=معادي الإسلام مدحور وذليل
مكة وطيبة دونها الميدان نار=وحزامنا قصفه على حده وبيل
إن نادت الأرض أظهرت من كل دار=مغوارٍ تدندن له العذرا فحيل
عَشّاق للي فرعت لثم الخمار=على النقا هاوي لقا الطرف الكحيل
يا حر يلي بالأصابع لك يشار=النصر وعد من الله بيومٍ فضيل
سق بالمدرع وانزل ببطن الحصار=دك الحصون اللي لها سورٍ مهيل
على الذي هيّاب وآماله عسار=قد سرب جيشٍ باغي الجنة حصيل
الحرب نار وصرخة الناخين عار=وكم هامةٍ حالت على أمرٍ مايحيل
يوم المواقف فالقمم ذل وصغار=تندى لها وجيه العرب حرو الظليل
عبدالله اللي فالسما حلق وطار=يوم المدارج لا تحط ولا تشيل
أشرف على غالي جهاته ثم دار=حربٍ لها فالمجد تاريخ ودليل
بالمال وإلا بالفكر والإزدهار=الحرب ماهي بس بالسيف الصقيل
عامٍ ورا عامٍ وهو ضد الدمار=وملبس الإرهاب بالدين الحليل
لين أخلف الظن وعكس وجه المدار=اللي يريدونه هلالٍ مستطيل
والعفو يامصر العرب حق الجوار=عز ووقوفك عز للي لك يعيل
إنتي هدف لأنك مناعه بإختصار=لأن القوام بزعزعة أمنك هزيل
وحنا بناء لا صبت أركانه قرار=وحدة أساسه ترهب اللي له يكيل
حكمة وتدبير وسياسه واقتدار=يشهد لها اللي من تناميها ذهيل
هذي ملامح سيرة من أرض المنار=وقايد يثير الرد بالشكر الجزيل
والشعر لو مايحفظ أمجاد الكبار=مافي طروقه خير لا ردد وقيل
سلّم على روس البلد وأهل القرار=صناع مجدن يفتخر به كل جيل[/poem]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

تغيب الشمس والدنـيا على شمس الغيـاب تدور=مسيره حقْها جل بجلالــه حــاضر ومــاضي
وقفت ومن لمحت غيابها غبت وغطست بحور=وانا في وقتها ماني على قرض الشِعر فاضي
غرامي لا نثرت الحس من جوفي وانا مجبور=هيامٍ يســرق الشاعر ويسري به على الحاضي
سرى بي هاجسي والفكر يمك ياسمي النور=يا ريحٍ من ثرى العنبر ونفح المسك بـ اغراضي
رفيــعٍ ماتهزّه غير قيفاني وذكــر الحـــور=طهـورٍ من ملذات الحياه ورجسها واضي
أحنّه من تراب الارض لو كل الزهر منثور=اناظره بعيون اللي حشا ماهو بعد راضي
وأجي فرضٍ معاه ادوخ واكشف لجله المستور=وأبيّن ماخفى بحال الرضا وبحاجب إعراضي
انا المتلبس بعشقه ومجرم مايهاب السور=وانا المدمن بطب الشرع وحكم العدل والقاضي
رقيت اعلى جبال الشوق وأشهرت العلم مسطور=ولاني جازعٍ دام الحشا من لاهبه لاضي
أحبه والغلى يطبخ بدمي والغرام يفور=احبه يعني متيم ، متيم ، منتهي ، قاضي
ولاهي سالفة قطره وبحرٍ يطفي التنور=جهنم خافقي منها السما ياهل النظر تاضي[/poem]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

أهدْ الكون من دونه وتعزم رجلي الشــده=على كون ٍ يسمونه مرابع نشـوة الاسيــاد
تعالي يالحروف النازحه من فكري لحـده=خذيني وارحلي نتبع اثره ونقتديه أجداد
على رجم الخيال ارقي وحلّي شعر من قده=نبي ندفن خيال يموت بيت ويبتدي ميلاد
أشب الليل وشموع الغرام إلى انتهى غدّه=واحيي باكر ٍ جابه غدي في حلته منقاد
سألني خافقي عنّه وقلت يغيب له مُده=ولكن لا لفى يرجع على صبر الغلا بأعياد
يطول الوقت من يرحل وفي ملقاه ما عده=معه يازين خنقات الظروف وياحلات الزاد
إلى شدت همومي حبلها من عقدته مَده=وقال ارقي سنود وماطلبتي شي بنت اجواد
أحبه والجنون يغار من حبي على وده=ويشكي ليه لا زاد بعناده زاد حبه زاد
يحير العشق بعيونه ويرسم في سما خده=بوارق دمعة العاشق عقب مايزفر الرعاد
سرت به موجة التيار من مزحه على جده=وطوّع كل مايملك الين الجود قال اش عاد !!
أهد الكون من دونه ، وتعزم رجلي الشده=على كونٍ يسمونه مرابع ،نشوة ،الاسياد[/poem]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

مهرةٍ تربى على عشق الصعود=بين زخات المطر و جبالهـا
لا تخاف إن مرّت بعين الحسود=مثل ريحٍ زحزحت بأهوالها
صانها ربي وباركها سعود=لربعها و اعمامها واخوالها
مابغت تقبل ونيتها تعود=مقْدمه ما للعيون و مالها
يقعد الواقف على حيله قعود=لا توارى عزمها ما احتالها
كم سأل حاير لمن ترجع عنود؟!=وكم سهر عاشق على موالها
تستثير الاسئله حد الورود=للضوامي يوم جالو جالها
حلوها في سرها غِلي الردود=قدَّروها من غلا من جالها
اسعد الله من نزل في قوم جود=وشرّف الله من شرب فنجالها
لا اجمعت في عرضها كل الحشود=وطوحت بالصوت قالو : مالها !!
يرجع العاقل ملا ذهنه شرود=و ترجع المهره على خيالها [/poem]