اضواء الوطن 

[COLOR=#0B4C85]إعداد وإشراف : محسن الأشرف[/COLOR]

شاعرنا لهذا اﻻ‌سبوع هو شاعر يختصر ابداعه في جزالة ابياته وروعة تعامله في تقنين حضوره وابتعاده عن هرطقات الساحه الشعبيه فهو يغازلها من بعيد ، كان مشجعاً لعدة اسماء شعريه من قبيلته حتى وﻻ‌زال نشرت له عدة صحف من ضمنها صحيفة عكاظ والحياه اللندنيه
شارك في عدة احتفاﻻ‌ت لقبيلته واهمها مشاركة الفاعله في حفل استقبال شاعر المعنى مرزوق الفهمي حيث قدم قصيده نالت استحسان الحضور وﻻ‌زال يمثل قبيلته في العديد من المحافل انه الشاعر الجزل سعدالله الخلاوي

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

البارحـه والصـدر للضيـق محـدود=خاويت لي نجمـن جذبنـي وميضـه
بيني وبينه نظـرة اعجـاب واعهـود=نقهـر ظـلام الليـل والا نغيـضـه
اسهر معه وابذل معـه كـل مجهـود=والليـل هـادي والقوافـي حظيظـه
آلهامـي العابـد والافكـار معـبـود=والفكر مسجـد والقصيـده فريضـه
يممتهـا قبلـة خيـالـي ومـسـدود=غفرانهـا ضمـن العهـود الغليظـه
يا صبر طولك بعض الاحيـان منقـود=والعذر لو ما يكتـم الصـدر غيظـه
الناس والعـادات والنقـص والـزود=درستهـا ودراسـتـي مستفيـضـه
قتل النوايا البيض في ظلمـة السـود=يعكس مدى فكر النفـوس المريضـه
والظلم موت العدل والبخـل والجـود=تعريفهـا فـي كـل فعـل ونقيضـه
لا صار طيب الفعل ضايـع ومجحـود=بانـت علامـات الوجيـه البغيـظـه
يا من سرحت بذود فكرك مـع الـذود=ترعى بها مـا بيـن حـره وفيضـه
سيف الغضب في وجه حاضرك مجرود=دامك وضعـت فسلـة الديـك بيضـه
الغش مـا ينفعـك والحبـل معقـود=والوقت من يقـوى لواهيـب قيظـه
طبع الحياه اسـرار والعمـر محـدود=تفسيرها تحـت الخطـوط العريضـه[/poem]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

ياصاحبي ياآغلى من الآلماس في العقد الفريد= يا آول محطات الوله وآخر محطات الغلا
لك في خفوقي شي ًآكبر من تعابير القصيد= يكفيك لا من صرت لآحلام الفكر شرب وكلا
زرعت فيني بذرة آشواقك ونا الحر العنيد= وروضت فيني كبرياء الحب وآسكنته علا
قمة جبال العشق من طيبك وذوبت الجليد= يوم آشرقت شمسك عليه وفاض نهر من الحلا
نخل المشاعر من رطبها ميلت خضر الجريد= قطفتها لك حسب ذوق الشعر وآقلط يا هلا
إن كان ما حبر القوافي نزف من دم الوريد= ما تستحق إتشوفها بالعين يا ريم الفلا
ونا قصيدي رمح بن غانم وسيف إبن الوليد = لكن عن ذكراك لا يدله ولا قلبه سلا
ما مر به ساعه وهو ما عاد عهدك من جديد= يعلن بها عشقه لذاتك وإنتمائه والولا
تبغى الصراحه-والكلام العذب – والعلم الآكيد= الرجل يا يعشق عيون الغاليه وإلا فلا
ونا عشقت أُم الغلا والحسن والنظره بعيد= نظرة عيون الشعر وآعلنها على روس الملا
إحساسك آصدق لي من البسمه على الثغر السعيد=يا من تعلا فوق هام السحب قدره وإعتلا
يا عيدي اللي مختلف في ناظري عن كل عيد=لا عاد تطري طاري الفرقا ترى الفرقا بلا
خذني معك لآخر محطاتك وسكني وحيد=بين الورود وصادق إحساسك ونسمات الخلا[/poem]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

غيم ومطر وآحساس شاعر ما تغيره السنين=يهز غصن الشعر لا شاف السحابه في السما
يا غيم هذا اليوم حركت المشاعر والحنين =خايلت هتانك وكبد الشعر حاديها الظما
يا غيم لو تمطر على ضلع المشاعر ساعتين =يا ربما تحيا الغصون اليابسه يا ربما
يا غيم والدنيا كذا والله يعين الصابرين =من عادتي ينتابني شوق القوافي كلما
خايلت هتانك وذكرني قلوب الطيبين =ويزيد شوقي لا لمست الورد في اطراف الحما
يا غيم كيف الناس تحسدنا ونحنا غافلين =نمشي على نياتنا البيضا ونحسبهم.. كما
نياتنا .. لكن من عادة عيون الحاسدين =متكحله حقد وكراهيه عساها للعما
يا غيم عندي لك كلام ويختصر في كلمتين =تصوير واقعنا وصوت العاطفه والائنتما
روح وجسد يا قصة(ن) تحكي عن السر الدفين =متئصله في نبض شرياني وفعروق الدما
حفظتها حفظ الآمانه في صناديق الآمين =حظنتها في خافقي حظن السوار المعصما
سقيتها من صادق احساس المشاعر باليمين =وهي سقتني قافية شعري بطعم العلقما
يا غيم انا شاعر خلقني الله من ماء (ن) وطين =لكن خلق فيني صفات العاقل المتفهما
يا غيم لا تزعل على نزف القوافي والآنين =طبيعة الانسان لا حس الآلم يتئلما
ازعل على وقتن يخلي الحر مكتوف اليدين =وازعل على حظن يصورك الفقير المعدما
يا غيم جعل الله يرزقني بئحدى الحسنيين =يا نصر تحقيق امنياتي يا شهادة مسلما
والا فنا وياك قصة عشق من ماضي السنين =متئصله في نبض شرياني وفعروق الدما
[/poem]

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

زرعت بذرة غلاها وانتظرت الحصاد =واللي حصدته خناجرها وطعناتها
يا حي طعناتها ما دام يدها الضماد =تركي على القلب خنجرها وشلفاتها
هيا افرحو يا العواذل قبل اذر الرماد =واكشف لكم زيف دعواكم وغاياتها
حبيبتي كيف تطعني وهي في الفؤاد =وظلم الانسان ما هو من سياساتها
السالفه كلها ثقل وشوية عناد =هذي حلاة المحبه من بداياتها
والا الوفا ما نقص في البعد بالعكس زاد =يشهد بما قول وقفاتي ووقفاتها
لا شافت الوقت لونه يكتسي بالسواد =تهديني شمعة وفاها من كرم ذاتها
ونا ليا شفتها مني ف / حاجة وداد =اصير بلسم يداوي الجرح واهاتها
ون كان هامت على شعري قدحت الزناد =انظم عقود القصيده واسبك ابياتها
واخذ واسند عليها والفرايد جداد =لو خيلة الفكر يتعبني مجاراتها
هذا ونا من صغر سني ونا في جهاد =اجاهد الحظ والدنيا ولوعاتها
يا الغاليه والليالي ظلمها ف / ازدياد =بانت على احساسنا الصادق علاماتها
عشنا وذقنا المراره والتزمنا الحياد =والعالم الله ما ندري وش نهاياتها
لكن يبقى الوفا مقصد وغاية مراد =والا المحبه حقيقه عندي اثباتها
روحين تسكن ف/ روح وكل عرق استفاد =نبضات قلبي تشاركها ف/ نبضاتها[/poem]