ياسيد اللحظات ،، يا كلّ الطيوف
تسال وش اللي لك ورى ضلوعي قدر
بالنسبة لي انـت المشاعر والحروف
وانـت العيون اللي اشوف ابها البشر
وانـت السهام اللي توردني حتوف
وانـت الهمال اللي تمناه الشجر
وانـت السكون اللي بعد لجه وخوف
وانـت الصخب لاجات لحظات النصر
اضرب على شانك بحد من السيوف
وامشي على شانك متاهات الخطر
تبي تعرف إش داخلي (اسمع وشوف)
العمر قبلك ضاع ،، ولا أحسبه عمر
كل البشر مروا على قلبي ضيوف
الا انـت صار القلب لك بيت ومقر
ويومك ملكت القلب يازين الوصوف
أشر وتلقاني على طول احظر
والله ما اردك ولا اعوووود بنكوف
ولا أحط من دونك حكايات وعذر
(
(
التعليقات 3
3 pings
عثمان الحربي
28/11/2019 في 8:42 م[3] رابط التعليق
صح لسانك يابو تركي إبداع إبداع انت أمير الشعر
تميم
28/11/2019 في 9:16 م[3] رابط التعليق
صح لسانك شعر جزل ،أبدعت يا أمير الشعراء
غير معروف
30/11/2019 في 1:08 م[3] رابط التعليق
صح لسانك شاعر جزل