يا معزي الثاني بـ وجهك نزيح الظلام

فيك انتقدا وبعد الله نعدك ذرا

رقيت بـ أسم السعودية بـ راس السنام

وهزيت وجه البسيطة واسمك اليا طرا

ترجف عظام  الرياجيل  الدهاة العظام

وبـ شارةً  من يمينك يسقطون  وزرا

حطيت بخشوم عدوان السلام الخطام

وأثبت نفسك ومعك الشعر شاش وسرى

حنا نشوفك تحارب لجل  عيـن  السلام

ما كنك الا معزي يوم ... رد البرى

ما سل سيـفه لجل (( ثارآت ولا أنتقام ))

سله يبي يزرع  الخيرات فوق  الثرا

وأن كان تبغى الكلام اللي يفك اللحام

وجه الحقيقة حقيقه ما عليه افترا

مابه ملك مثل أبوك اللي  تعلا  المـقام

وحتى انت أميرً ما مثلك فوق الارض اومرا

ورؤيـاك يا سيـدي  رويـا  بعـيدة  مرام

تعانق القمه اللي  مثل  قمة كرا

ولسان حالك يقول اللي  معي  للأمام

واللي بيرجع ورا خلوه يجلس ورا

سهرت وأشقيت عينك لجل شعبك ينام

ومن هيبتك ما تذوق عداك حلو الكرى

مشوار يومك على هالناس مشوار عام

واللي مايطري عليهم في خيالك طرا

يوم السياسة مكر وقفت .... يا بن الكرام

وجعلتها مرجله وعيون  غيرك  ترا

أخر  ما تحسب  حسابه  فالحياة  الكلام

وأن جات بالفعل مالك بالفعول خشرا

اللي يشوف ان راسه فوق روس الانام

لاقلت شرحك سرا والله ما يفرش سرا

مكانتك ( بين قادات ) الامم  يـ الهمام

مكانة  أم  القرى  من بين  كل  القرى

تحت أمرك أحفاد من قاموا بيوم الجهام

وأفنوا عشاير بحد السيف لجل  اعشرا

وسرو من الارض وامسو فوق متن الغمام

والعز طالوه من فوق الخشوم جهرا

ما يخضعون  ( لـ نظام الا لا كان النظام )

نظام جدك وجدك للفعايل ضرا

معاك شعبً على العدوان شذرة حسام

واللي ما يدري لا صبحناه بكره درا

طويـق لو طاح  ،،، ولا النير  ،،، ولا سنام

ما طاح شعبك وشعبك وسط دمه جرى

حبـك  وحـب  السعودية  وحب  الامـام

وأرواحنا في نحور اللي عليهم جرا

وأختامها أسمك يابوسلمان مسك الختام

ما دامك اللي مسمى بسم خير الورى

#ريان_بن_نحيت