لابــد مــن دنــيـاك هــاذي تـشـدي
وتفنى لـو انـك سـيـد مـن سادت القوم

فـكـر ولاحــظ ويــن جـدك وجـدي
ومن قبلهم كسرى وملك قيصر الروم

دنـيـا صعب تمشي على كيف ودي
نـشـقـابـهـا ايـامــن ونـفـرحـبـها يوم

مـثـل الـبـحر مابين جزرن ومدي
دنـيـا تـقـلـب ماعـرفـنـا لها اسلوم

يالله مــن مـــدات خــيــرك تمدي
يـالــرازق الـمـعــبــود يـاحـي قيوم

مابيني ومابين نفسي تحدي
وآثارها عيني جفى موقها النوم

احيان وقتي معي واحيان ضدي
وعجزت افرق بين ظالم ومظلوم

لو كان مايصعر عن الناس خدي
أصد عن بعض السواليف واشوم

احدن يجيب اعلوم واحدن يودي
وكــل عـلـى ماقـيـل تلقابه اعلوم

ومافات فـات ومات ماله مردي
والادمـي يخطي ولاهو امعصوم

وحكم القدر يجري ولاله مصدي
تشقى ورزقك يافتى الجود مقسوم

نبي نعد اليوم وبكره نعدي
تداول الايام والاجل محسوم