ياناصرٍ   موسى   علي   قوم   فرعون
يامنجي   اللي    مايجيد    السباحه

دام الاجل  والرزق  بيديك  مضمون
مالي  ومال  اهل  اليدين  الشحاحه

الذيب    رزقه    نافذً   لو   يصيحون
راع   الغنم    مافك   شاتة   اصياحه

عزيت نفسي عن مجالس هل الهون
وتركت  لصحاب الهوامش  مساحه

نوعين  في  هذا  الزمن  مايعيشون
اهل   الوفاء.    ومدورين  الصراحه

مالك ومال  الناس  صاحي ومجنون
صدك عن امجالس هل القيل راحه

اهل  الملاوي   والخدع   يستعزون
والكذب  واللي   بالحرام   استباحه

ناس  بسوق  الكذب  باعو  ويشرون
تعلمو       بعكر    المياه.    السباحه