يالخرمي التقدير والعرفان والشكر الجزيل
تثنا لشخصك بأسم ابن منشط وأهل رنيه بعد

أنت السبب في العتق بعد الله فاليوم المهيل
ماهوب انا اللي قلتها كلٍ  يقوله يافهد !!

وقفت بين البيشي السياف والسيف الصقيل
تقول وقّف لين (( ابن هياف)) بشرّ بالسعد

ماقلت نفذ واحرقتنا الشمس والدنيا رحيل
امانتك زادت وفاك وحكمتك صبر وجلد..

الله لايحرمك الفرح والخير والأجر الفضيل
من موقفٍ  يعني بدون مبالغه هز البلد

وابشّرك حصلتها ذاك النهار اجر وجميل
من طيب هالثنتين كلٍ دونها قام وقعد

عزالله ان الشكر والعرفان في حقك قليل
لنّك وفيت وكل من شارك بميقافك شهد

وعلى نطاق الأمن في رنيه بذلت المستحيل
لك بصمة ٍ كل ٍ يشاهدها ومن يزرع حصد

اشيد بك وافخر بك مواطن .. واماريبك زميل
اقولها ماهمني من قر .. والا من جحد

واقبل تحياتي يابو فيصل عسى عمرك طويل
مشاعري ترجمتها عن عزوتي عود اولد