كل ماحلمي طرد طيف الوصال
والا غرد طاير القمري بشوق
كل مالديت عيني لك هلال
وابتدى شهرٍ وقفى في عقوق
ألمسك حبٍ وحلمٍ مع خيال
وجمرةً متوسدة نبض وعروق
وانتشي بذكرك وانا اردد تعال
كل حسٍ داخلي جالك شفوق
ياظنين الروح يا اصعب من محال
ياهيامٍ ساقني للموت سوق
مابقى بي نبض ماحب ابخبال
ولا بقى بي عرق ما اشعلته حروق
اسألك ياصاحبي هو به مجال
البشر تحيا بلا نبض وخفوق؟؟
والليالي إن عربدت فينا ليال
هو بيجي يومٍ ويهديها شروق؟؟
أسألك بالله وجاوب عالسؤال
ليحلمت بحلم يرقى بك لفوق
لا غدر... لا كذب.. ولا تكدير بال
ولا حبيبٍ يسليك كل الحقوق
وجاك حلمك بس في هيئة وبال
واسلبك روحك وعمرك وبرفوق
وش بيبقى منك من عقب الوصال؟؟؟
وانت تتجرأ عقبها تقول شووق؟؟؟
(
(
