العمر يفنى والليالي مدابير
والناس صارت بين قاطع ومقطوع
دنيا تقلب والبشر فيه تقصير
والرابح اللي يفعل الخير مربوع
نمسي ونصبح والزمن فيه تغيير
مواقف تدمي بها الكبد وتروع
نضحك ونبكي والمدامع محادير
والحزن سوى داخل الصدر مشروع
نمشي بها لين اتعبتنا المشاوير
ولوصحت بأعلى الصوت ماهو بمسموع
واليوم والله لوعتنا المقادير
صارت علينا بين دافع ومدفوع
شفت وعرفت ودرت كل التفاكير
وأخذتها بالمتر وأخذتها بوع
اقولها من حرص والعلم تذكير
الحق واضح والخطأ تره مرجوع
ماودي يصبح بعدها اي تأثير
الطيب خله دوم بالطيب متبوع
واليوم ابا أقف دون كل المحاذير
اللي خفى واللي مع الناس مذيوع
وختامها يالله عليك التدابير
العفو عندك والعمل دوم مرفوع
الشاعر:مبروك خلف الجابر
(
(
