شهدت قاعة القبة في طيبة الطيبة مساء يوم الخميس الماضي كرنفال شعري غير مسبوق, وأبدع نجوم الساحة الشعبية مع احتفالية قبيلة الشوالعة بمناسبة تكريم الشاعر سالم بن معزي.
الشاعر المتألق.. شاعر الطبيعة كعادته تميز وأبدع بحضور مشرّف فقال :
سلام الله سلاماً فيه ترحيبه وفيه وفيه
من علوم الجزاله مايهز الراي ويشده
اهيل دلة المعنى وعزم القاف وقهويه
واليامنه شرد معنى القصيد اطا على خده
على ارض المصتفى الهادي نبي الله يالبيه
عسانا نارد الحوضه ونشرب ماه من يده
تواعدناك ياطيبه وطاب الحفل في راعيه
رغم فارق مسافات الطريق وعامل المده
الياشحت عدود الما على الوراد ماتسقيه
عزوم اهل الوفا جم الروى تارد على عده
ياسالم سيفنا الي عيد مربح باللقى مسميه
يالجنتنا الكريمه ياكرام الجود والمده
ياحيك يالحضور الي تفاعل مع ندى داعيه
ارجال الطيب والشيمه عنى المشوار ماتعده
هلا يامرحبا بالي لفانايالله تحييه
تراحيب الخيال الي يلوح البرق في سده
تلاعجبه بروق الخير ياسبحان من منشيه
على ديرة مصلحة العشاير ينتثر مده
على الله يالقصيد الي على شانك حضرنا هنيه
على منبر مقدمت الحفل نقراه ونعده
حفل ربعي مزبنت الدخيل وقاهرة عانيه
شوالعة الفخر والطيب وقت السلم والشده
ارجال من عوايدها تقول وقولها تحميه
اليامنه وقف رجالنا في لازماً سده
مواقفنا تشرف حاضر التاريخ مع ماضيه
ياكاتب عن قبايل عبس عد الواقعي عده
ترا الله مطلع في كل ماتبدي وماتخفيه
لابد يواجه الانسان ماسواه لابده
ماعين خيرمن ضيع حقوق الناس خط ايديه
اذا يكتب ويمليله على ضلم العرب وده
تحرو بلكلام الصدق لاجات السولف فيه
ترا الايام هذي معضم علوم العرب ضده
اذا كان الرسول يقول صدق الادمي ينجيه
فلماذا نحرف في كلام الصدق ونحده
انا قول البلا الي حل فالامه سبب هذيه
ولا تسلم من الاحداث حتى وضعها ترده
على درب الصواب الي رسول الله اشار اليه
تراه اقوى على الاعدا من الاعتاد والعده
ياليت العاقل الغيور يصغيلي سموع اذنيه
ابعطيه الكلام الي يفل الحيل ويهده
شباب امة محمد مشغله اميسي واخو بليه
مع الكوره مابين العارضه والقول والقده
يمر الفرض في معضم بيوت الله مايصليه
الا يا الله اتكافيهم اهل الالحاد والرده
يارب الاسره الله يحفضك من شر ذاك وذيه
ترا الاهمال سو يلد باب الرزق ويسده
ماقلت الهرج هذا غير للتنبيه والتنويه
بعد ماوصل صبر المسلم العاقل الياحده
ياسلمان الحزم بالقول والافعال والتوجيه
ترانا درع من دونك نحد الشر ونصده
عسالله يحمي تراب الوطن من شر مايوذيه
ويرزق قادته والشعب نصر الحرب ويمده
شاعر الطبيعة: عايض صالح الرشيدي
(
(
