يالغالية سمّيتك اسم الغالية
أمي عسى ربي يطوّل عمرها
يالدرّة المصيونة اللي غالية
اللي رفيعٍ في عيوني قدرها
يالقطعة من السكّر اللي حالية
والشهْد يقطر من شفايا ثغرها
ياجنةٍ فيها الثمار العالية
ما اجمل حدايقها وما اعذب نهرها
الدار من جيّتك ماهي خالية
من يوم جيتي فرحتي ياكبرها
والقلب قصرٍ فيه عرش الوالية
وانتي سواة الوالية في قصرها
بس آمري واتدلّلي يالغالية
يا عيني اللي نور نورك نورها
عبدالله عوجان
(
(
