قلبٍ نبض بك حب وشلون ينساك؟
والله ماينسى شيء بينه وبينك
فيك ابتدئ من شوف عينك ولقباك
لأن السعادة من وصالك وعينك
إيه إيه أحبك وأعشقك وأتمناك
وأموت بك من خطوتك لاجبينك
سلهامة عيونك وطلت محياك
وصوتك وفمّك وانحناء حاجبينك
لبى وصايفك الجميلة ولباك
وسبحان من تمم كمالك وزينك
كلي حلالٍ لك من أدناك لأقصاك
كنك تحركني بأنامل يمينك
ملكتني ملكٍ عن العالم أغناك
أجمل حدث يصير لك في سنينك
وأصدح بصوتي لك وأناديك وأنخاك
وتقول لي لبيه وأقول وينك؟
وأبحث عنك وأدورك بس ما ألقاك
حتى يديني دوّرت عن يدينك
وأثرك بقلبي جعل دنياي تفداك
متمركزًا به بين نونك وسينك
تزعل علي وأزعل معك وأطلب رضاك
رضاك يعني كل شيء لضنينك
وأنا على خبرك ما أخونك ولا أنساك
لو الجفاء يحول بيني وبينك
(
(
