يا صاحبي كل  ليله و أنت  قدامي
عيا لسانك  يعبر لي عن أشعوره

استنزف الصبر كله جرحي الدامي
لا طاب جرحي و لا داواه  دكتوره

أرحم صويب الغلا  يا حضرة الرامي
اللي على أحلام  طيفك يبني أقصوره

أما اكسر الحاجز اللي عاق الأقدامي
و لا حزين الضماير همش أحضوره

تعبت و انا  اترجاء سود الأيامي
عيا طريقي يبين  و يتضح نوره

أخاف هقوات  ظني ترخي أحزامي
و ابقاء  ضحية وهم  من ناس مغروره

عامين  يطرد سرابك قلبي  الظامي
يمشي  على جرتن  ماهي  بماثوره

احترت بين الصحيح و بين الاوهامي
ان كان  عندك عدالة  و ضح الصوره

احكم و انا راضي بتنفيذ الأحكامي
نظامنا  مختلف  شرعه و دستوره

هذي  مشاعر هواي  و هذي أحلامي
و الأمر  بيديك و الأسرار مستوره