ياجبْ الاسرار مابلبوح شيٍ مفيد
اكبح جموح الضروف وداخلك خبهّا
ياجمرة الصبر لو تحتك يذوب الحديد
ماباح سد الضلووع ولاشكى جبهّا
يستنزف الصبروامده بدم الوريد
ويهيد جرح الخفوق ويصحي بغبها
دوامة الفكر تاخذني الحلمٍ بعيد
ورجع وصحي جروح القلب وانبها
يلعبي الهم لعب العاصفه باالجريد
ورجع على سكة الآمال واكبها
اشوف بعيوني الثنتين طلع النضيد
وماجادكف النصيب ولاوصل لبها
تعبت اناطحك ياموج الضروف العنيد
لاواصلٍ ساحل امانك ولاغبها
مابين سطح الطموح وبين واقع اكيد
قناعتي قمةٍ للمجدمرقبها
لوالليالي عجاف وجرح قلبي يزيد
وشلون يدٍ نصافحهاونضربها
بالآخرة ياجهنم ابشري باالمزيد
دام أغلب الناس تخلف مافرض ربها
فالح بن عقيل الركابي
(
(
