اضواء الوطن 

شاعرنا لهذا الاسبوع شاعر مميز مبدع خاض بحر الشعر وتعارك مع تفاعليه وأوزانه غلبه الموج مرة وغرق أخرى وبدأ يتعلم السباحة حتى أتقنها وأصبح غواص ماهر في بحر الشعر ورسم لنفسة صورة جميلة تعكس أخلاقه وروحه بوضوح إستحق لقب شاعر بجدارة شاعرنا هوالشاعر عبدالله الدهمشي .
اضواء الوطن من خلال شاعر الاسبوع استضافة الشاعر عبدالله الدهمشي واعددنا لكم هذا الحوار :-

بدايةً قدم نفسك للجمهور من خلال بطاقتك الشخصيه

ج ) الاسم / عبدالله بن دعّاس الدهمشي
العمر/ 21
المدينه / حفر الباطن
طالب بكالورياس التخصص / قانون

س/ متى كانت بدايتك بالشعر ؟
ج ) بدأءت بالشعر قبيل الخمس سنوات تقريباً

س ) ماهي الاغراض التي تتناولها في شعرك ؟
ج ) الالتزام بأساسيّات صياغة البيت مثل الوزن والقاف هذا شيء مفروغ منه ولكن اعتقد ان الاغراض التي. يجب على الشاعر استخدامها هي الفكره ، استحداثها او تجديدها .. فتح المجال او الباب امام الخيال الواسع

س ) هل كل ماتكتبه من قصائد واقعي او من نسج الخيال ؟
ج ) اغلب ماكتبت من قصائد من نسج الخيال ولا يمت للواقع بصله

س ) هل لديك ديوان شعري يظم كل مانظمته من قصائد ؟
ج ) حالياً لايوجد ومستقبلياً ان شاء الله يتم ذلك

س ) ما رايك بالامسيات الشعريه ومامدى تقبلها من المجتمع ؟
ج ) الامسيات حلقة وصل مهمّه بين الشاعر والجمهور .. وتقبل الجمهور للأمسيات يعكس اهتمام معدّي ومنسقّي الامسيّه مثلا. لو كان انشاء الامسيه وتنسيقها وإظهارها بالشكل. المطلوب كان ناجح وعلى مستوى يليق بالشعر .. تلاحظ ان حضور. الجمهور مذهل والمثال الوحيد لدينا في السعودية ( امسية نجران )

س ) هل سبق لك المشاركه بإمسيات شعريه ؟
ج ) شاركت بامسيات خاصه فقط

س )من هو الشاعر الحقيقي من وجهة نظرك ؟
ج ) صاحب الابيات والمعنى القوي والمفهوم للجميع

س ) ماهي حكمتك بالحياة ؟
ج ) ان الم تزد شيئا على هذي الحياه تأكد انّك انت حاجه زائده

أشكرك شاعرنا عبدالله على تلبيت الدعوه وهل لديك كلمه تقولها في ختام اللقاء.
كل الشكر لك .. وبيّض الله وجهك على إتاحة الفرصه
واشكر اخوي خالد العنزي واشكر صحيفة اضواء الوطن على خدمتها للشعر والشعراء.
واتمنى لكم التوفيق ..
وقد اخترنا لكم من قصائده قصيدتين

( 1 )

للهوى طـعـنــات لآ شــــح الــوفــآ=والوفـآ فـي ذآ الزمـن قــلّ ونـقَـص
يآعـيـون(ن) علـهـا طـــول الـجـفـآوفـري دمـعـي تــرآ دمـعـي خَـلَـص
كلـمـآ طيـفـه عـــرض قـلـتـي لـفــآ=حـظــك بلـقـيـاه مـآعـمـره شَـنَــص
وكلـمـآ قــرب لـــك وجـــوك صـفــآ=فآجـئـك بالهـجـر والـجـو اخـتـبَـص
دآم طـــول هـجــره وجـفـنـك غـفــا=فرصتك تنسين ،، لآ تفوت الفُرَص
يآخفـوق (ن) كلمـآ استسـمـح عـفـآ=لآتسـآمـح دآمــه الـغـآلـي رَخَـــص
لآ مـتـى تـوفـي ولآ تـلـقـى وفـــآ!!=مـن بيآضـك كـن فـي لونـك بَـرَص
خــذ كــلام إلـلـي بـرآيـه مــآ هـفــآ=دآرس(ن) عند الزمن كل الحصَص
لا تصيـر حلـيـل مــع حـبـك ،، كـفـآ=الحلـيـل بـحـق نفـسـه مـــآ بَـخَــص

( 2 )

ليت الزقارة تبعد الهم .. ياليت=وليا بغاني همي .. التتن دونه
ياناصحي تبغى لي الفود واخطيت=ذود العرب .. ما هو كذا يوردونه
ما بالتتن فود(ن) لو انك تهقويت=والناس لو به فود ما ينكرونه
يسبقك للفود الرجال الشفاليت=والا الردى .. ياعنك .. ما يقربونه
راعي الزقاره يا بدر كنه الهيت=يمشي بدرب(ن) يعلم انه مهونه
وليا مرضت من التتن ما تشافيت=يا كيف ملعون المرض يجلبونه!
ينهش بصدرك نهشة الدود للميت=ويركي على قلبك بلاوي طعونه
لا رافع(ن) هامه ولا جالب(ن) صيت=مذهب بياض الوجه .. معدم اسنونه
إليا اشربه مهموم .. زاد اللهب زيت=وليا اشربه مبسوط .. كدر عيونه
ولا ماحي(ن) هم(ن) ولا محيي(ن) ميت=يموت به حي(ن) ويحيا بدونه
ذكرت انا بعض القريبين واغضيت=عن مجلسه يوم القرايب يجونه
التتن فتت كبده الغض تفتيت=واليوم ميِّت والعرب يذكرونه
أبكي على فرقاه لا ما تباكيت=دمع(ن) تحدر من عيوني مزونه
التتن مالي به .. لو اني توازيت=مزباني اللي بالوزا يزبنونه
لو كان بي هم(ن) ليا جيت واقفيت=لي رب(ن) ارحم من مخاليق كونه
يفرج كروبي من حما كعبة البيت=يوم أبرهه ناوي يهدم اركونه
أللي ليا ضاقت عليَّه وصليت=أدعيه واطلبه الفرج والمعونه
وليا دعيته شتت الهم تشتيت=علَّام قصد الناس لو يسترونه